Ratna Sarumpaet

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Ratna Sarumpaet (lair ing Tarutung, Tapanuli Lor, 16 Juli 1948; umur 71 taun) yaiku salah siji seniman Indonésia kang nlatèni ana ing babagan téater. Dhèwèké ngyasa organisasi sosial sing jenengé ya iku Ratna Sarumpaet Crisis Center kang kawentar kanthi monolog Marsinah Menggugat.

Kulawarga[besut | besut sumber]

Ratna Sarampaet lair ing Tarutung, Tapanuli Lor tanggal 16 sasi Juli taun 1948. Ratna Sarumpaet iku lair ing kalangan kulawarga Kristen kang aktif ing bab pulitik ing Sumatra Lor. Bapakné Ratna Sarumpaet yaiku Saladin Sarumpaet lan ibuné ya iku Julia Hutabarat. Yèn jeneng bojoné Ratna Sarumpaet yaiku Ahmad Fahmy Alhady. Anaké ya iku Mohamad Iqbal, Fathom Saulina, Ibrahim, Atiqah Hasiholan.

Kauripan[besut | besut sumber]

Ratna Saraumpaet tau kuliah ing Fakultas Teknik Arsitektur lan Fakultas Hukum UKI, ananging Ratna Sarumpaet milih nlatèni kesenian kanggo pagaweyan baku. Ratna Sarumpet méhak rakyat cilik, kabèh tema asil karyané mesthi ora adoh saka bab perkara-perkara manungsa, tumindak culika, lan keadilan sing langsung ditujokaké marang pamaréntah. Nalika ngancik 15 taun, Ratna Sarumpet bisa ngasilaké sanga naskah drama sing nggawé dhéwèkké tambah kondhang ing donya téater. Kabéh naskah iku ditulis kanggo mrotès anané tumindak ora adil ing pamaréntah sing nggawé rakyat cilik saya rekasa. Kabéh naskah kuwi mau disutradarai dhéwé karo Ratna Sarumpaet, lan dipéntasaké karo klompok sandhiwara Satu Merah Panggung sing diadêkake taun 1974.

Nalika taun 90-an Ratna Sarumpaet misuwur amarga aktif ing kasus Marsinah lan mbélani Rakyat Aceh sing kejebak perang TNI lan GAM. Kadadéyan iku ndadèkaké Ratna Sarumpaet dadi duwé perkara karo administrasi Orde Baru. Kabèh klompok téateré dijak gabung karo kampanye Partai Persatuan Pembangunan (PPP) nganti dikurung karo kapulisian ing daérah dalan Warung Buncit, Ratna Sarampaet dikurung amarga dhèwèkké karo kanca – kancané ngusung bandosa sing tulisané “DEMOKRASI”. Ratna Sarumpaet sakanca dikurung lan diintrogasi 24 jam karo péhak kapulisian.

September 1997 Kepala Kapulisian RI nutup perkara rajapati Marsinah. Amarga kasus iki ditutup karo péhak kapulisian Ratna Sarumpaet langsung nulis monolog “Marsinah Menggugat” lan didum ing sewelas kutha sing ana ing Jawa lan Sumatra. Monologé iki dianggep provokatif, ing saben kutha sing diparani Ratna Sarumpaet lan saklompok olèh teguran saka péhak pamaréntah. [1]

Rujukan[besut | besut sumber]

  1. Liputan6.com. "Berita Ratna Sarumpaet Hari Ini - Kabar Terbaru Terkini | Liputan6.com". www.liputan6.com (ing basa Indonesia). Dijupuk 2019-01-15.