Pradnyaparamita

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Langsung menyang: pandhu arah, pados
Arca Prajñāpāramitā saking tanah Jawi.
Artikel punika prakawis konsèp ing agami Buddha. Kanggé panrapan sanès mangga mriksani: Penerbit Pradnya Paramita.

Pradnyaparamita (saking Sangskreta prajñāpāramitā; basa Tionghoa (Aksara Hanzi. 般若波羅蜜多, Pinyin. bān ruò bō luó mì duō, Jepang hannya-haramita)), punika salah satunggiling aspèk sipat saking bodhisattwa ingkang dipun wastani paramita.

Tegesipun punika inggih “kasampurnan ing kawicaksanan” kaliyan ugi salah satunggiling saking enem utawi sedasa sipat transédéntal manungsa.

Anging sutra-sutra Prajñāparamitā punika inggih satunggiling jinis sastra Buddha aliran Mahayana ingkang wonten gandhèng-cènèngipun kaiyan Kasampurnan Kawicaksanan. Tembung Prajñāparamitā mboten naté ngrujuk ing salah satunggiling tèks kusus anging ing khazanah tèks.

Sajarah[sunting | sunting sumber]

Sutra ingkang awal piyambak ing jinis puniki inggih Aṣṭasāhasrikā Prajñāpāramitā Sūtra utawi "Kasampurnan Kawicaksanan ing 8.000 baris", ingkang kinten-kinten dipun serat ing 100 SM. Langkung kathah bahan lajeng dipun serat ing kalih abad salajengipun. Kajawi sutra punika piyambak, wonten ringkesan ing pada Ratnaguṇasaṁcaya Gāthā, ingkang mbokmenawi langkung lawas malih, awit mboten dipunserat mawi basa Sansekreta baku. Sutra 8.000 baris punika satunggaling sutra Mahayana ingkang langkung lawas.

Ing abad-abad salajengipun (abad kaping 2abad kaping 4), sutra-sutra punika dipun tambah-tambah dados langkung ageng. Wonten vèrsi-vèrsi mawi 10.000, 18.000, 25.000 kaliyan 100.000 baris, ingkang dipun tepangi dados "Kasampurnan Kawicaksanan Ageng".

Anging amargi ke-agengan kaliyan kirang praktis lajeng sutra-sutra punika dipun ringkes. Vèrsi-vèrsi ringkes punika dipun wastani Sutra Jantung (Prajñāpāramitā Hṛdaya Sūtra) kaliyan Sutra Inten (Prajñāpāramitā Vajracchedikā Sūtra). Kakalihipun inggih populèr sanget kaliyan gadhah panagruh ingkang kiyat marang évolusi aliran Mahayana. Vèrsi-vèrsi Tantrik saking Prajnaparamita; wiwit kaserat saking abad kaping 6.

Mangga mriksani[sunting | sunting sumber]

Sumber artikel punika saking kaca situs web: "http://jv.wikipedia.org/w/index.php?title=Pradnyaparamita&oldid=804043"