Perantau
 | |
| Panganggit | Gus tf Sakai |
|---|---|
| Basa |  Indonésia |
| Pangecapan | Gramedia Pustaka Utama |
Kala babar | 2007 |
| Kaca | 143 halaman |
| ISBN | 978-979-22-2735-2 |
Perantau inggih punika buku kempalan carita cekak anggitanipun sastrawan Gus tf Sakai ingkang kababar déning Gramedia Pustaka Utama 2007. Buku ingkang kandelipun satus sekawan dasa tiga kaca, punika nglumantaraken namanipun Gus tf Sakai nampi bebungah saking Kusala Sastra Khatulistiwa (KSK) ing kategori Prosa taun 2007. Bebungah saking KSK ingkang sami, taun punika, ugi katampi déning Farida Susanty lumantar pakaryanipun, Dan Hujan Pun Berhenti, ing kategori Panyerat Nèm Mumpuni. Perantau nyariyosaken kanthi éndah tegesipun gegayuhanipun tiyang ing tanah sabrang.
Latar wingking
[besut | besut sumber]Carita cekak ing buku Perantau punika naté dipunmot ing sawenéh ariwarta kados ta Kompas, Koran Tempo, Media Indonesia, Horison, lan Padang Ekspress. Perantau punika buku kempalan carita cekak kaping sekawan anggitanipun Gus tf Sakai, sasampunipun Pura Ketirisan (1996), Kemilau Cahaya dan Perempuan Buta (1999), lan Laba-laba (2003). Kemilau Cahaya dan Perempuan Buta ugi kasil nglantaraken piyambakipun nampi Bebungah Sastra Lontar (2001) lan bebungah sastra saking Pusat Bahasa (2002), ugi dipunpertal wonten basa Inggris déning The Lontar Foundation kanthi judhul The Barber (2002). Buku punika ugi pikantuk bebungah saking South East Asian Write Award taun 2004.
Perantau nyariyosaken satunggalipun kampung ing Indonésia, lan bara kedah dipunlampahi déning para priya diwasa. “Lungaa, Nak.” inggih punika ukara ingkang limrah dipunaturaken déning para ibu ing kampung punika. Nanging napa makna sajatosipun tembung punika? Ing carita cekak Perantau, Gus tf Sakai kepara kanthi éndah kasil nyuguhaken tegesipun gegayuhan ingkang dipunrengkuh déning tiyang ingkang wonten tanah sabrang. Ing carita cekak sanèsipun, Gus tf Sakai nyuguhaken kritik sosial kanthi gagrak lan metaforis ingkang katata kanthi saksama.[1][2][3][4]
Ugi pirsani
[besut | besut sumber]Rujukan
[besut | besut sumber]- ↑ Kusala Sastra Khatulistiwa Archived 2015-02-23 at the Wayback Machine. kapundhut 11 Mèi 2017
- ↑ Good Reads: Perantau kapundhut 11 Mèi 2017
- ↑ Bukupedia: Perantau Archived 2015-07-12 at the Wayback Machine. kapundhut 11 Mèi 2017
- ↑ Gramedia Pustaka Utama: Perantau Archived 2015-09-24 at the Wayback Machine. kapundhut 11 Mèi 2017
| Artikel iki minangka artikel rintisan. Kowé bisa ngéwangi Wikipédia ngembangaké. |