Pacul

Saka Wikipédia Jawa, bauwarna bébas abasa Jawa
Pacul

Pacul kalebu salah sijiné piranti tradhisional kang digunakaké ing tetanèn.[1] Pacul digunakaké kanggo ngedhuk lemah, kanggo ngresiki lemah saka suket utawa kanggo ngratakaké lemah.[1] Pacul isih digunakaké nganti jaman saiki, ananging kanggo ngolah lemah kang luwih amba biyasané nggunakaké brujul utawa traktor.[1] Pacul biyasané digawé saka kayu lan wesi.[1] Kayu kanggo garan pacul utawa doran lan ing bonggol kayu ana wesi kang pancen digawé tipis lan landhep supaya kena kanggo macul.[1] Pacul kuwi ora mung digunakaké ing babagan tetanèn. Pacul uga digunakaké kanggo ngaduk bahan bangunan. Kanthi migunakaké pacul, para tukang bangunan bisa nyampur kanthi rata bahan bangunan arupa wedhi, semèn, lan gamping.

Sejarah[besut | besut sumber]

Kawruh ngenani pertanian kuno wis dingerteni bangsa Mesir pirang-pirang taun kepungkur.[2] Kabudayan Mesir jaya kang uga nduwèni prabawa tumprap kabudayan-kabudayan Barat jaman saiki ya iku makmur lan akèhé asil pertanian.[2] Wong Mesir dadi wong kang ahli kanggo ngembangaké teknik drainase lan irigasi.[2] Drainase ya iku mbuwang banyu kang wis luwih-luwih.[2]

Teknologi kanggo ngolah lemah bisa dimangertèni saka pacul.[2] Pacul asale saka garan kang cacahé siji lan bentuké lincip kang digunakaké kanthi obahan kaya wong ngethok.[2] Pacul kang sepisanan uga diarani bajak kuno, arupa pacul kang mung diobahké manungsa utawa kéwan kanggo ngeruk lan malik lemah.[2] Sawisé iku pacul banjur diowahi kanthi némpélaké wesi ing panggonan kang dadi tapel wates karo lemah.[2] Kanthi cara iki pacul duwéni konstruksi kang luwih kuwat lan luwih gampang dienggo.[2] Saliyané iku, wujud iki uga nggampangaké lemah kang diwalik supaya saya akèh lemah kang diolah.[2] Pacul digunakaké wong Mesir dadi alat kanggo panén lan kanggo njupuk tanduran sak lemah.[2] Pacul duwéni werna-werna wujud lan ukuran.[2] Gedhé ciliké ukuran pacul dijumbuhaké miturut kagunan pacul.[2]

Cathetan suku[besut | besut sumber]

  1. ^ a b c d e distan.riau.go.id(dipunundhuh tanggal 21 Juni 2011)
  2. ^ a b c d e f g h i j k l m lablink.or.id(dipunundhuh tanggal 21 Juni 2011)