Ons Untoro

Saka Wikipédia Jawa, bauwarna mardika basa Jawa
Ons Untoro
Sana jaringanwww.tembi.net

Ons Untoro (lair ing Yogyakarta, 4 Dhésèmber 1959; umur 64 taun) inggih punika salah satunggalipun sastrawan saking Indonesia. Namanipun misuwur minangka ingkang mandhégani ngadegipun adiacara Sastra Bulan Purnama ingkang dipunwontenaken saben wulan ing Museum Rumah Budaya Tembi Yogyakarta. Piyambakipun nyerat pakaryanipun awujud geguritan, carita cekak wonten sawenèh ariwarta, kalawarta, lan jurnal antawisipun Kompas, Kedaulatan Rakyat, Minggu Pagi, Jurnal Renai Salatiga. Jurnal Selarong, Kalawarta Kagunan lan Kabudayan Gong, Kalawarta Kabudayan Warisan Jakarta, Kalawarta Kabudayan Mata Jendela, Kalawarta Kabudayan Sabana, lan sanèsipun.[1] Ons Untoro punika salah satunggalipun panggurit ingkang geguritanipun asring dipunmot wonten buku kempalan geguritan Dari Negeri Poci ingkang sampun dipunwontenaken awit taun 1993.[2][3][4][5][6]

Latar wingking[besut | besut sumber]

Ons Untoro miwiti kiprahipun minangka seniman awit dasawarsa 1980-an. Pakaryanipun awujud artikel, resensi buku, lan geguritan dipunmot wonten sawenèh ariwarta, kalawarta, lan jurnal antawisipun Berita Nasional, Masa Kini, Kedaulatan Rakyat, Minggu Pagi, Suara Merdeka, Minggu Ini, Sinar Harapan, Simponi. Taun 1991 dumugi 1999 anggitanipun kamot wonten Bernas, Kedaulatan Rakyat, Kalawarta Kabudayan Basis, Kalawarta Kabudayan Citra Yogya, Kalawarta Kabudayan Busos. Awit taun 2001, Ons nyerat pambuka katalog pamèran kagunan rupa ingkang dipuncakaken wonten Gladri Tembi Rumah Budaya, Pameran Temporer Musiyum Sonobudoyo Yogyakarta ingkang dipunwontenaken saben wulan. Oktober 2011, Ons mandhégani ngadegipun adicara kasusastran saben wulan wonten ing Museum Rumah Budaya Tembi, kanthi tajuk Sastra Bulan Purnama. Adicara punika, kajawi minangka sarana pamaosan geguritan, dramatisasi geguritan, musikalisasi geguritan para sastrawan saking sakpérang kutha ing Indonesia, kadhang kala ugi ngandhut adicara pambabaran buku-buku sastra lan pamèran kagunan rupa.[7]

Pedamelan[besut | besut sumber]

Taun 1981 dumugi 1987, Ons Untoro kadhapuk dados redhaktur wonten ariwarta Berita Nasional Yogyakarta, ingkang sapunika éwah aran dados Bernas. Piyambakipun ugi nglampahi kiprah wonten ing Lembaga Swadaya Masarakat (LSM) Yogyakarta, wiwit taun 1987 dumugi taun 1992. Semanten ugi taun 1992 dumugi 1998, Ons Untoro inggih nyengkuyung Lembaga Informasi lan Penelitian Alocita. Piyambakipun naté dipunpracaya minangka pamimpin redhaksi wonten kalawarta kabudayan Busos saking 1995 dumugi taun1998. Salajengipun, piyambakipun kadhapuk dados dhéwan redhaksi Jurnal Selarong ingkang dipunlampahi saking taun 2006 dumugi 2009. Wonten ing taun 200, Ons untara mandhégani ngadegipun adicara wulanan Sastra Bulan Purnama, inggih punika adicara pamaosan geguritan, pambabaran buku kempalan geguritan, lan pamèran kagunan rupa. Saking taun 2008, piyambakipun dados staf redhaksi wonten ariwarta tembi.net.

Pakaryan[besut | besut sumber]

  • Sri Gunting, Antologi puisi bersama 5 Penyair (Bengkel Kerja Budaya Yogyakarta, 1989)
  • Pergulatan Identitas: Dayak dan Indonesia, tulisan bersama Dr. PM. Laksono (Gallang Press Yogyakarta, 2006)
  • Mengenali Yogya, antologi puisi (Tembi Rumah Budaya Yogyakarta, 2012)
  • Pastor Menikah, antologi puisi (Penerbit Interlude Yogyakarta, 2016)
  • Paranftritis (2014)
  • Negerli Langit (2014)
  • Negeri Laut (2015)
  • Jalan Remang Kesaksian (2015)
  • Jejak Tak Berpasar (2015)
  • Puisi Rupa: Anakku Sayang Ibu Pulang (2016)
  • Gondomanan 15 (2016)

Minangka pambesut[besut | besut sumber]

  • Globalisasi dan NGO, taun 1995, diterbitkan USC-Satunama
  • Masalalu Selalu Aktual, karya P. Swantoro, 2007, penerbit Kompas
  • Ayah Anak Béda Warna: Anak Toraja Kota Menggugat, Karya Tino Saroengallo, taun 2008, penerbit Tembi Rumah Budaya
  • Antologi puisi ‘Topeng’ karya Slamet Riyadi Sabrawi, 2012, Penerbit LP3Y
  • Antologi puisi ‘Berkata Kaca’ karya Dhenok Kristiani dan Nana Ernawati, 2012, penerbit Tembi Rumah Budaya
  • Antologi puisi 5 Penyair “Menyisir Senja’. 2013, penerbit Cakrawala Yogya
  • Antologi puisi 6 Penyair ‘Langkah Kita’. 2013, Penerbit Cakrawala Yogya
  • Antologi puisi 7 penyair “Di antara Perempuan”, 2015, Penerbit Buku Litera Yogya
  • Antologi puisi 40 Penyair ‘Jalan Remang Kesaksian’, 2015, Penerbit Tembi Rumah Budaya dan LPSK
  • Antologi puisi ‘Gurit Terang Di Tubuh Malam’, 2016, karya Slamet Riyadi Sabrawi, penerbit Tonggak Pustaka
  • Antologi puisi 6 penyair perempuan ‘Pulang’, 2014, Penerbit Cakrawala

Rujukan[besut | besut sumber]

  1. ↑ Harian Kompas Ons Untoro, Pegiat Sastra yang memanggungkan Puisi[pranala mati permanèn], kapundhut 2 Januari 2017
  2. ↑ Ivaa Archive Ons Untoro, kapundhut 2 Januari 2017
  3. ↑ Goods Reads Ons Untoro, kapundhut 2 Januari 2017
  4. ↑ Tembi Ons Untoro, kapundhut 2 Januari 2017
  5. ↑ Taman Budaya Yogyakarta Profil Ons Untoro, kapundhut 2 Januari 2017
  6. ↑ E-Sastra Indonesia Ons Untoro[pranala mati permanèn], kapundhut 2 Januari 2017
  7. ↑ Sastra Indonesia Ons Untoro, kapundhut 2 Januari 2017


Dijupuk saka "https://jv.wikipedia.org/w/index.php?title=Ons_Untoro&oldid=1664743"