Musiyum Rumah Budaya Tembi
| Museum Rumah Budaya Tembi | |
|---|---|
| Tetélan pokok | |
| Pernah | Yogyakarta, Indonésia |
| Alamat | Kabupatèn Bantul, DIY |
Museum Rumah Budaya Tembi inggih punika papan panggénan ingkang nyimpen dhokumèntasi lan nyawisaken katrangan babagan sujarah lan kabudayan Jawi ingkang dumunung wonten Kacamatan Sewon, Kabupatèn Bantul, Provinsi Daerah Istimewa Yogyakarta. Tembi ugi dados pratandha lairipun pakaryan kreatif dhedhasar panemu bebrayan ingkang dumunung ing sakiteré papan wau. Musiyum punika asring ngawonténaken sawenèh kagiyatan budaya kados ta pamèran seni rupa, pagelaran adat lan kontemporer, pagelaran beksan lan teater, musik, ugi pagelaran maos geguritan. Musiyum punika mboten pikantuk sengkuyungan ardana saking yeyasan pundi kemawon. Sedaya kagiyatan ingkang dipunwontenaken mboten pados bathi. Kanggé nyekapi kabetahan punika, Tembi pikantuk kasil saking fasilitas antawisipun bale karya, bale rupa, bale inep, musiyum, kapustakan, kolam lelangén, lan warung utawa rèstoran.[1][2][3][4]
Sajarah
[besut | besut sumber]Désa Tembi rumiyin awujud salah satunggaling panggénan para abdi dalem katemben ingkang padamelanipun nyusoni para putra-putri kulawarga karaton. Pramila désa punika kasebat Désa Tembi. Ing désa iku wonten griya ing Jalan Parangtritis Km. 8,4, Tembi, Timbulharjo, Sewon, Kabupatèn Bantul, Yogyakarta ingkang dados Museum Rumah Budaya Tembi (Tembi House of Culture). Musiyum iku didegi wonten lemah ingkang wiyaripun 3.500 mèter pasagi, kanthi wiyar yasan utama 212 mèter pasagi lan gunggung wiyaripun yasan dumugi 1.057 mèter pasagi. Wondéné Désa Tembi piyambak awujud wewengkon kampung kriya GMT (Gabusan-Manding–Tembi) ingkang dipunkepyakaken déning Sri Sultan Hamengkubuwana X surya 31 Agustus 2007.[5]
Koleksi
[besut | besut sumber]Museum Rumah Budaya Tembi gadhah saperang koleksi antawisipun luweng, dandang, keris lan tombak, waluku, gamelan, poto-poto kuna, poster kuna, sepedha motor kuna, sarta kapuskan ingkang gadhah dumugi 5.000 seratan. Panggènan punika ugi nyawisaken papan pagelaran, ruwang patemon, panginepan, warung utawa rèstoran, kolam lelagén lan pendhapa, sarta kalih pangkon gamelan.
Kagiyatan
[besut | besut sumber]Saben wulan, Museum Rumah Budaya Tembi ngawontenaken pagelaran awujud beksan nasional saking saperang wewengkon ing Indonesia, pagelaran wayang, pagelaran seni rupa, pagelaran musik, pagelaran maos geguritan, workshop, wawan rembug, lan seminar. Tembi ugi nepangaken budaya Jawi dhumateng para dhayoh kanthi ngawontenaken kagiyatan adat kados ta ngluku sawah ngagem lembu, mbatik, gladhen gamelan, dolanan laré-laré, lan sanèsipun.
Ugi pirsani
[besut | besut sumber]- Kabupatèn Bantul
- Daerah Istimewa Yogyakarta
- Panembahan Archived 2020-08-08 at the Wayback Machine.
Rujukan
[besut | besut sumber]- ↑ Ensiklopedia Indonesia: Ensiklopedia Indonesia dijupuk 20 Fèbruari 2015
- ↑ Yogya-Panduan Wisata: Museum Rumah Budaya Tembi, Dokumentasi Budaya Jawa dijupuk 1 Mèi 2017
- ↑ TribunNews: Menginap di Tembi Rumah Budaya Bantul, Anda Disuguhi Gamelan Jawa dan Indahnya Alam Pedesaan, dijupuk 1 Mèi 2017
- ↑ Rumah Jogja Indonesia: Tembi Rumah Budaya Bale Inap Bersejarah, dijupuk 1 Mei 2017
- ↑ Gudeg.net dijupuk 20 Fèbruari 2015