Nova Riyanti Yusuf
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
dr.Nova Riyanti Yusuf, SpKJ (psikiater) ingkang miyos wonten ing Palu, Sulawesi Tengah, Indonésia ing tanggal 27 Novèmber 1977 inggih punika salah satunggaling pujangga Indonésia.[1] Sandhi asma ingkang asring dipun-ginakaken déning Nova inggih punika NoRiYu. Nova sapunika inggih dados salah satunggaling anggota DPR periode 2009-2014 kanggé Laladan Pemilihan Jakarta II saking Parté Dhémokrat.
Asiling Karya[besut | besut sumber]
Nova sampun ngasilaken 3 novèl kanthi irah-irahan “Mahadewa Mahadewi” ingkang dipunwedalaken déning penerbit Gramedia Pustaka Utama ing taun 2003, “Imipramine” (Gramedia Pustaka Utama, 2004), lan 3some (Gagas Media, 2005). Nova ugi nyerat novèl adhaptasi saking 3 skenario filem: "30 Hari Mencari Cinta" (adhaptasi skenario karya Upi Avianto), "Betina" (adhaptasi skenario karya BE Raisuli), lan "Garasi" (adhaptasi skenario karya Prima Rusdi). Wonten ing novèl "Garasi" punika, Nova ngginakaken nama aliasnipun. Kempalan esainipun sampun kathah kapacak wonten ing médhia massa Indonésia kados ta Koran Tempo, majalah Gatra, majalah MTV Trax. Nova ugi nyerat esai kanthi reguler ing Djakarta Magazine. Ing wekdal ingkang selo, Nova asring nyerat ugi resensi musik ingkang ngewrat genre indie Indonésia, Mazzy Star, lan filem kanggé www.jakartabeat.net. Kalih kempalan esainipun ingkang sampun dipuncithak lan dipunwedalaken inggih punika kanthi irah-irahan "Libido Junkie: A Memoir for the Radicals" (Gagas Media, 2005) lan "Stranger Than Fiction: Cerita dari Kamar Jaga Malam" (Gramedia Pustaka Utama, 2008). Déné tuladhanipun carkak ingkang dipunserat Nova ingkang sampun dipunwedalaken inggih kapacak ugi ing majalah Playboy, Femina, lan X2. Satunggaling skenario filem layar lebar ingkang sampun naté dipunserat lan dipundamel filem déning Rapi Films ing taun 2007. Film kanthi irah-irahan “Merah Itu Cinta” ingkang dipunsutradara déning Rako Prijanto punika pikantuk 7 nominasi Piala FFI (Citra) ing taun 2007.
Pendidikan[besut | besut sumber]
- TK Ora et Labora (1982-1983)
- SD Ora et Labora (1983-1989)
- SMP Al Azhar Pejaten (1989-1992)
- SMA Tarakanita I (1992-1995)
- The Writing School, Singapore (1995)
- Fakultas Kedhokteran Umum, Universitas Trisakti (1995-2002) [2]
- Program Pendidikan Dhokter Spesialis Ilmu Kedhokteran Jiwa (Psikiatri), Fakultas Kedhokteran Universitas Indonésia (2004-2009)
Padamelanipun[besut | besut sumber]
Nova Riyanti Yusuf dados SUTA Ambassador 2009 (Stand Up Take Action, End Poverty Now!) sesarengan kaliyan Pandji, Iwet Ramadhan, Joko Anwar, Nia Dinata, Indi Barends, Yacko, Igor Saykoji. SUTA inggih punika rerangken kampanye Bangkit Beraksi kanggé nggayuh ancas-ancas ingkang badhé dipuntuju ing MDGs 2015. Nova ugi dados Ketua Babagan Sosial WOMAN Foundation we care, we act. LSM punika anggotanipun inggih tiyang èstri ingkang dados aktivis ing bidhangipun piyambak, kados ta Indira Soediro, Tina Talisa, Alia Jumhur, Kiki, Arti S Usman, lan sanès-sanèsipun. Woman ugi dados Dutanipun KLH. Nova ugi dados Chairperson dari Metaforma Institute, Center for Community and Social Development.