Nasti

Saka Wikipédia, Bauwarna Mardika abasa Jawa / Saking Wikipédia, Bauwarna Mardika abasa Jawi
Jujug: pandhu arah, pados

Nasti (obah nasti) ya iku obahé bagéyan tanduran sing diprabawani dèning rangsangan, nanging arahé ora gumantung saka tekané rangsangan iku.[1] Tembung Nasti asalé saka basa Yunani, ya iku nastos sing tegesé dipeksa nyedhak.[1] Mula, arah obah saka bagéyan awak tanduran sing obah nasti ditemtokaké dèning tanduran iku dhéwé.[1] Rangsangan sing asalé saka jaba (eksternal) iku bisa arupa cahya, suhu, dhemèkan/sénggolan, bahan kimia, sarta kahanan sing peteng.[2] Rangsangan iku njalari malihé tekanan turgor, ya iku tekanan banyu ing témbok sèl amarga malihé kadhar banyu ing jero sèl saéngga sèl dadi mlembung.[3]

tekanan turgor disebabaké kadhar banyu ing jero sèl tanduran kakéhan

Jinis Obah Nasti[sunting | besut sumber]

Miturut jinis sumber rangsangané, obah nasti dibedakaké dadi enem, ya iku Fotonasti, Niktinasti, Tigmonasti, Termonasti, Haptonasti, Kemonasti, lan Nasti Kompleks.[4]

Kembang Mirabilis jalapa mingkup nalika soré

Fotonasti[sunting | besut sumber]

Fotonasti ya iku obah nasti amarga éntuk rangsangan cahya srengenge.[4] Tuladhané ya iku Kembang Pukul Empat (Mirabilis jalapa) sing mekrok ing wayah soré lan mingkup ing wayah ésuk.[4]

Niktinasti[sunting | besut sumber]

Niktinasti ya iku nasti amarga éntuk rangsangan kahanan sing peteng.[4] Aran Niktinasti asalé saka basa Yunani ya iku nux sing tegesé bengi.[4] Padatan , godhong-godhong tanduran polong-polongan (Leguminosaceae) mingkup nalika bengi.[4] Godhong-godhong kasebut mbuka manèh nalika wis ésuk.[4] Kajaba iku, niktinasti uga dijalari amarga malihé tekanan turgor ing jero sendi godhong.[4] Tuladhané ya iku godhong kembang turi sing padha mingkup nalika bengi.[4]

Tigmonasti[sunting | besut sumber]

Godhong Putri Malu mingkup nalika didemèk

Tigmonasti ya iku obah nasti sing dijalari ana rangsangan mekanis arupa demèkan utawa tekanan.[4] Aran tigmonasti asalé saka basa Yunani, ya iku thigma sing tegesé demèkan.[4] Obah tigmonasti uga diarani obah seismonasti.[4] Tuladhané ya iku mingkupé godhong putri malu (Mimosa pudica) nalika didemèk.[4]

Termonasti[sunting | besut sumber]

Termonasti ya iku obahé sebagéyan awak tanduran amarga éntuk rangsangan suhu.[5] Tuladhané ya iku Kembang Tulip lan Kembang Crocus sing mekrok amarga suhu sing munggah (atis) lan mingkup manèh nalika suhuné mudhun.[5]

Haptonasti[sunting | besut sumber]

Kantong Semar

Haptonasti ya iku obah nasti sing kadadèn tanduran insektivora amarga ana demèkan saka srangga.[4] Tuladhané ya iku mingkupé godhong kantong semar lan Venus nalika didemèk srangga cilik.[4] Yèn ana srangga méncok ing permukaan godhong, godhongé mingkup kanthi cepat. Saéngga sranggané ora bisa metu saka tanduran iku.[4]

Kemonasti[sunting | besut sumber]

Kemonasti ya iku obah nasti amarga ana rangsangan arupa zat kimia.[2] Tuladhané ya iku stomata sing mbuka ing wayah awan amarga ana karbondioksida.[2]

Nasti kompleks[sunting | besut sumber]

Nasti kompleks ya iku obah nasti amarga ana sawatara faktor utawa luwih saka siji faktor.[4] Rangsangan sing katrima bisa arupa cahya srengenge, suhu, banyu, lan zat kimia.[4] Tuladhané ya iku mbukak lan nutupé sèl-sèl stomata amarga ana rangsangan cahya srengenge, banyu, suhu, lan zat kimia.[4]

Cathetan Suku[sunting | besut sumber]

  1. ^ a b c (id)Gerak Nasti(diundhuh 17 Oktober 2012)
  2. ^ a b c (id)Gerak pada Tumubuhan(diundhuh 18 Oktober 2012)
  3. ^ Yatim W. 2007. Kamus Biologi. Jakarta:Obor.Hlm 160.
  4. ^ a b c d e f g h i j k l m n o p q r s (id)Jinis Gerak Nasti Tumbuhan(diundhuh 18 Oktober 2012)
  5. ^ a b (id)Termonasti(diundhuh 18 Oktober 2012)
Sumber artikel punika saking kaca situs web: "https://jv.wikipedia.org/w/index.php?title=Nasti&oldid=1000620"