Niktinasti

Saka Wikipédia Jawa, bauwarna bébas abasa Jawa
Ilsutrasi perobahan nalika turu ing godhong Medicago saka: Charles Darwin (1880): The Power of Movement in Plants.

Niktinasti (basa Yunani, nux, artine 'bengi') ya iku salah siji jinis obahan nasti ya iku prosès irama kang dikendalekake déning interaksi antarané lingkungan lan wektu biologis.[1] Ing kéné tekanan diarahake luwih marang respon motorik kang duwé peran ing perobahan kaya iku.[1] Tuladhané wis dingerteni punjul 200 taun kapengker ya iku obahan godhong ing pirang-pirang tanduran, saka arep ndatar ing wayah awan nganti arep jejeg ing wayah wengi.[1] Kadangkala, spésies kang duwé godhong majemuk rangkep, kang saben godhonge duwé pirang-pirang pinak godhong lan saben pinak godhong duwé pirang-pirang pasang anak-godhong kang madep tumemplek ping siji rakila, cocog digunakaké minangka model niktinastik.[1] Kalebu ing jerone, tulahane: wit sutra (Albizzia julibrissin), putri malu (Mimosa pudica), lan wit udan (Samanea saman).[2] Godhong majemuk rangkep kaya iku kerep nuduhake "gerak turu" kang cetha.[1] Ing wayah wengi, pucuk anak godhong kang adep-adepan ing Albizzia nutup, mangkat menduwur lan nunjuk ing arah pucuk distal rakila.[1] Anak-godhong Samania kalempit mangisor dudu manduwur. Ing rong kasus mau, ana pirang-pirang sel ing pulvinus kang mlembung nalika mbukak kang sinebut ekstensor, déné sel kang mangkerut diarani fleksor.[1]

Uga delengen[besut | besut sumber]

Cathetan suku[besut | besut sumber]

  1. ^ a b c d e f g Salisbury FB, Ross CW. 1995. Fisiologi Tumbuhan, jilid 3. pertalan Lukman DR, Sumaryono. Bandung: Penerbit ITB. Hal:98-99 ISBN 979-8591-37-2
  2. ^ Satter RL, Galston AW. 1981. Mechanisms of control of leaf movements. Ann Rev of Plant Physiol 32:83-110.