Mustar

Saka Wikipédia Jawa, bauwarna bébas abasa Jawa
Gambar Mustar, Jinis mustar

Mustar utawa Moster ing basa Indonésia (Basa Walanda: mosterd; Basa Inggris: mustard) iku salah siji rempah-rempah kang asalé saka wiji sesawi (saka jinis Brassica lan Sinapis) kang dialusaké, sadurungé dièncèraké nganggo banyu lan ditambahi bahan liyané. Mustar duwé rasa rada pedhes lan rada nyegrak ing ilat lan ing telak, arep padha karo wasabi. Mustar wis asring digunakaké minagka dadi bumbu ing Éropah.[1]

Mustar iku ana warna-warna, miturut karo bahan kang dianggo gawéné. Asalé mustar iku saka wiji tanduran sesawi putih (Sinapis alba), sesawi ireng (Brassica nigra), utawa sesawi soklat/India (Brassica juncea). Muster putih duwé rasa kang lembut, yèn mustar ireng rasané pedheslan nyegrak banget. Werna-warna mustar iki isih ana hubungane karo sawi (B. rapa), rapa (B. napus) lan kubis (B. oleracea). Wiji saka tanduran iki uga bisa didakeake mustar, nanging ambune kurang, mula arang digunakaké.[2]

Muster saka Dijon lan Meaux ing Prancis misuwur ing sadonya, ngono uga mustar Inggris saka Norwich lan Tewkesbury. Mustar anggoné ngadol diwadhahi botol gelas lan botol plastik. Merek mustar kang ana ing Amérika Sarékat ya iku: Plochman's, French's lan Gulden's. Merek muster Amora lan Maille ana ing Prancis, lan merek Colman's ana ing Inggris. Ing Jerman muster minangka bumbu sosis bakar. Ing kana ana mustar merek Tom's.[2]

Cathetan sikil[besut | besut sumber]

  1. ^ botanical.com Mustar (diundhuh tanggal 24 Agustus 2011)
  2. ^ a b www.globalgourmet.com(diundhuh tanggal 24 Agustus 2011)