Musiyum Seni Lukis Kontemporer Nyoman Gunarsa

Koordhinat: 7°46′16″S 110°23′46″E / 7.7709829°S 110.3960325°E / -7.7709829; 110.3960325

Musiyum Seni Lukis Kontemporer Nyoman Gunarsa punika musiyum ingkang mapan wonten ing Jln Wulung, No. 43, Papringan, Caturtunggal, Dépok, Kabupatèn Sléman, Yogyakarta ^[1]. Musiyum punika dipunkepyakaken ing tanggal 31 Maret 1987 déning KGPAA Paku Alam VIII lan Clare Wolfowitz, garwa duta besar Amérika kanggé Indonesia. Sapunika ingkang gadhah musiyum punika priyantun Bali inggih punika Drs. Nyoman Gunarsa. kados musiyum ingkang kathah ing Yogyakarta, Musiyum Seni Lukis Kontemporer Nyoman Gunarsa gadhah status musiyum swasta lan jinis musiyum punika kalebet musiyum mirunggan kanggé seni lukis ^[2].

Sajarah

Musiyum Seni Lukis Kontemporer Nyoman Gunarsa punika madeg ing tanggal 31 Maret 1989. Musiyum punika kalebet musiyum swasta swadaya murni. Pamrakarsa wontenipun musiyum seni lukis punika Pelukis Drs. Nyoman Gunarsa kanthi Akte Notaris No. 5 tertanggal 12 Januari 1989 saking Notaris Ny. Suparyatun Sutjipto, S.H. Peresmian musiyum punika déning Gubernur Kepala Daerah Tingkat I Provinsi DIY ingkang kala punika dipunjabat déning Sri Paduka Paku Alam VIII ^[2]^[3].

Wangunan

Wangunan Musiyum Seni Lukis Kontemporer Nyoman Gunarsa punika wonten ing lemah kanthi wiyar 1.000 m2 lan kapérang dados kalih yasan kanthi corak tradhisional ingkang dipungabung kaliyan yasan modhèren. Musiyum punika gadhah 3 ruwang kanggé pamèran, inggih punika ruwang pepanggihan (pendhapa), ruwang pamèran tetep, lan ruwang kanggé kantor ^[2].

Fungsi

Musiyum Seni Lukis Kontemporer Nyoman Gunarsa punika dipunyasa kanthi ancas kados lan fungsi kados makaten:

Damel dokumentasi karya lukis Indonesia kalebet ingkang senior ugi junior ingkang dipunanggep gadhah prestasi.
Nyimpen lajeng nedahaken karya lukisan pelukis Indonesia.
Musiyum punika minangka papan kanggé komunikasi antawisipun para seniman lan seniwati kanthi médhia sarasehan, sesorah, seminar, lan musyawarah ^[2].

Tujuan

Ancas utawi tujuan anggènipun yasa Musiyum Seni Lukis Kontemporer Nyoman Gunarsa inggih punika:

Musiyum punika dados papan pados inspirasi kanggé para seniman, seniwati, pelajar, lan masarakat umum dhumateng panciptaan.
Papan komunikasi para seniman lan seniwati.
Mengeti apresiasi masarakat dhumateng aji-aji seni lukis Indonesia anggènipun nglestantunaken budaya bangsa.
Nuwuhaken sikap edukatif, kreatif, lan inovatis ing saben insan sanubari bangsa Indonesia.
Kanggé nunjang lampahing program pamaréntah babagan musiyum seni lukis.
Damel objek pariwisata Indonesia mliginipun ing Yogyakarta.
Paring penghargaan dhumateng para seniman lan seniwati Indonesia ingkang gadhah prestasi ^[2].

Koleksi

Koleksi Musiyum Seni Lukis Kontemporer Nyoman Gunarsa punika mirunggan damel dokumentasi para pelukis Indonesia ingkang gadhah prestasi lan profésional ing babagan seni lukis, mliginipun seni lukis kontemporer Indonesia. Koleksi ing musiyum mau kirang langkung wonten 500 lukisan^[2].

Cathetan suku

↑ [1], (id) Musiyum Seni Lukis Kontemporer Nyoman Gunarsa (dipun-akses tanggal 28 Dhésèmber 2012).
↑ ^a ^b ^c ^d ^e ^f [2]^{[pranala mati permanèn]}, (id) http://www.tembi.org Archived 2017-09-25 at the Wayback Machine. Musiyum Seni Lukis Kontemporer Nyoman Gunarsa (dipun-akses tanggal 28 Dhésèmber 2012).
↑ [3] Archived 2012-08-03 at the Wayback Machine., (id) Pusat Seni Rupa Kontemporer Nyoman Gunarsa (dipun-akses tanggal 28 Dhésèmber 2012).

[gunarsa1-1] [1], (id) Musiyum Seni Lukis Kontemporer Nyoman Gunarsa (dipun-akses tanggal 28 Dhésèmber 2012).

[gunarsa2-2] ↑ ^a ^b ^c ^d ^e ^f [2]^{[pranala mati permanèn]}, (id) http://www.tembi.org Archived 2017-09-25 at the Wayback Machine. Musiyum Seni Lukis Kontemporer Nyoman Gunarsa (dipun-akses tanggal 28 Dhésèmber 2012).

[gunarsa3-3] [3] Archived 2012-08-03 at the Wayback Machine., (id) Pusat Seni Rupa Kontemporer Nyoman Gunarsa (dipun-akses tanggal 28 Dhésèmber 2012).

[1]

[2]

[3]