Ruwatan

Ruwatan iku salah sijining upacara adat Jawa sing ancase kanggo mbébasake wong, komunitas utawa wilayah saka ancaman bebaya. Inti upacara ruwatan iki sejatiné arupa ndonga, nyuwun pangayoman marang Gusti Allah saka ancaman bebaya-bebaya umpamané bencana alam lan liyané, uga ndonga nyuwun pengampunan dosa-dosa lan kesalahan-kesalahan sing wis dilakoni sing isa nyebabake bencana.

Upacara adat iki asalé saka ajaran budaya Jawa kuna sing sifaté sinkretis sing saiki diadaptasi lan disesuaiké karo ajaran agama.

Makna

Ruwatan iku salah sijining upacara adat Jawa sing tujuwane kanggo mbebasake wong, masarakat utawa wewengkon saka ancaman bebendu. Inti upacara ruwatan iki sejatine ndonga, njaluk pangayoman marang Gusti Allah saka ancaman bebendu umpamane bencana alam lan liyane, uga ndonga njaluk pngampunan dosa-dosa lan kesalahan-kesalahan sing uwis dilakoni sing bisa njalari bencana.

Larangan

Ing kapercayan wong Jawa, ana wanti-wanti supaya wong kang lagi mbobot (ngandhut) ora pati cerak-cerak (nyedhak) ing papan kang lagi ana ruwatan. Amarga daya lan kakuwatan seka ruwatan kang lagi di patrapke bisa marai gugurake calon jabang bayi. Ujaré, kakuwatan iki saka dayaning Ilmu Waringin Sungsang (aksara caraka diwalik).

Sajarah

Upacara adat iki asalé saka carita Bathara Kala yaiku buta sing doyan mangan menungsa. Bathara Kala iku putra Bathara Guru utawa putu para déwa.

Jinis menungsa sing disenengi Bathara Kala lan dikuwatiraké ngalami sukerta yaiku:

• Sing lair tunggal utawa ontang-anting
• Kembang sepasang utawa kembar
• Sendhang apit pancuran utawa lanang, wadon, lanang, uga
• Uger-uger lawang utawa anak loro lanang kabèh
• Ontang-onting utawa anak siji wadon
• Pendhawa utawa anak lima lanang kabeh
• Kedhana-kedhini utawa anak loro lanang wadon
• Gondhang kasih anak loro beda pakulitane, siji ireng siji putih
• Dhampit utawa anak loro lanang wadon kang laire bareng

Sesajen

Sesajen sing disiapake kanggo upacara adat iki antarane:

• Kain pitung werna
• Wos Jené
• Jarum kuning
• Kembang pitung rupa

Yen kanggo tolak bala utawa mbuang sial wong sing ngalami sukerta, wong sing diruwat kudhu njalani siraman banyu suci lan nggunting rambut, rambute banjur dilarung neng segara.

bali menyang: Upacara adat Jawa