Bathara Kala

Saka Wikipédia Jawa, bauwarna bébas abasa Jawa
Bathara Kala

Bathara Kala iku putra Sanghyang Manikmaya. Bathara iki kondhang ing ruwatan sing magepokan klawan wong-wong sukerta. Kanggo ngruwat kudu dianaké tanggapan wayang kulit Lakon Amurwakala.

Tembung kala[besut | besut sumber]

Kala duwé arti loro, ya iku:

  • wektu
  • déwa penasaran

Lairé Bathara Kala[besut | besut sumber]

Kacaritaaké, Sanghyang Manikmaya lagi numpak Lembu Nandhini bareng Umayi, garwané. Ing ndhuwur samodra, Manikmaya sedya lambang asmara, ananging Umayi ora gelem. Kama kang metu banjur tumiba ing samodra lan dadi raseksa. Raseksa iku terus urip lan gawéyané mangan iwak-iwak samodra.

Sanghyang Baruna, panguwasa samodra, ngadhep Suralaya supaya raseksa mau disingkirké. Iba kagèté, jebul para déwa padha ora kuwawa nandhingi. Sing bisa ngalahaké ya iku ramané dhéwé, Manikmaya (Bathara Guru). Siyungé ditugel lan dadi keris Kalanadhah lan Kaladhita. Raseksa mau banjur dijenengi Bathara Kala. Kanggo gantiné, Kala diwènèhi wenang mangan wong-wong sing lair sukerta lan sing lali ing urip pradinan. Ing bathuké, Bathara Kala diwènèhi Rajah Kalacakra. Sapa sing bisa maca rajah mau ora bakal bisa dipangan Kala.

Kauripané[besut | besut sumber]

Bathara Kala urip bareng Bathari Durga ing kahyangan Setra Gandamayit. Dhèwèké sing nurunaké raja-raja buta (raseksa). Ing pedhalangan, Bathara Kala bisa dikalahaké déning Bathara Wisnu. Raseksa iki sembrono lan seneng ngrusak apa waé tanpa mikir dawa.

Ing ajaran Hindhu[besut | besut sumber]

Wonten ing ajaran agama Hindhu, Kālá (Sansekerta: कल) inggih punika putra Déwa Siwa ingkang dados déwa panguwaosipun wektu (tembung kala saking basa Sanskerta ingkang tegesipun wekdal). Déwa Kala asring dipunsimbolaken mawi wujud raksasa ingkang arupa nggegirisi, boten kados Déwa. Wonten ing filsafat Hindhu, Kala minangka simbol bilih sinten kemawon boten saged nglawan hukum karma. Ewadene sampun wekdalipun nilar paken gesang ing donya, wekdal punika ugi "Kala" badhé mapag. Ewadene wonten ingkang kersa, badhé dipunbrasta déning Kala. Saéngga, Kala punika gadhah rupa ingkang nggegirisi, asipat meksa sadaya tiyang supados nurut kaliyan piyambakipun.

Rujukan[besut | besut sumber]

Sukartha, I Ketut. 2003. Agama Hindhu. Penerbit: Ganeca Exact

Uga delengen[besut | besut sumber]