Matsutaké

Saka Wikipédia Jawa, bauwarna bébas abasa Jawa
Matsutaké
Matsutake.jpg
Matsutake
Klasifikasi ngèlmiah
Karajan: Fungi
Dhivisi: Basidiomycota
Klas: Agaricomycetes
Ordho: Agaricales
Famili: Tricholomataceae
Génus: Tricholoma
Jeneng binomial
Tricholoma matsutake

Matsutaké (Tricholoma matsutake(S.Ito et Imai)Sing.) utawi jamur pinus punika nama umum kanggé jamur mikoriza.[1] Jamur punika kalebet jamur langka saking génus Tricholoma familia Tricholomataceae.[1] Jamur mikoriza punika ugi dados jamur ingkang déréng saged dipundudidayakaken.[1] Kathah-kathahipun, jamur punika urip kanthi sakparan-paran wonten ing nagari Cina, Jepang, Koréa, Finlandia, saha ing panggénan-panggénan sanésipun ing saindenging donya.[1] Nalika nembé musim palastra, matsutaké tuwuh wonten ing alas-alas pinus.[1] Matsutaké limrahipun tuwuh wonten alas-alas ingkang wonten taneman pinus merah jepang, Tsuga diversifolia, pohon runjung Tsuga, saha Pinus pumila.[1] Kejawi punika, matsutaké ugi asring tuwuh wonten ing wana ingkang dipuntuwuhi pinus hitam jepang.[1] Wonten ing panggénan-panggénan sanésipun, mastsutaké ugi gesang nalika nembé musim udan Asia Timur.[1] Jamur punika gadhah miselium ingkang tuwuhipun rendhet sanget.[1] Suhu ingkang saé kanggé tuwuhipun miselium inggih punika kirang langkung 5-30℃, suhu ideal sekitar 22-25℃, pH tanah ideal 4,5-5,5.[1] Wonten ing nagari Jepang, matsutaké punika kalebet panganan élit ingkang redinipun awis.[1] Jamur punika gandanipun wangi saha sedhep sanget.[1] Matsutaké limrahipun dipunpanggang wonten ing sandhuwuring geni ananging boten ngantos gosong.[1] Kejawi punika, matsutaké ugi saged dipunmasak kaliyan wos, saéngga dipunwastani sega matsutaké utawi (matsutake gohan).[1] Kejawi punika, matsutaké ugi saged dipun-ginakaken kanggé campuran dobinmushi (sup wonten teko).[1] Jamur matsutaké punika ugi dipunekspor wonten ing nagara-nagara sanés.[2]

Cathetan suku[besut | besut sumber]

  1. ^ a b c d e f g h i j k l m n o kaskus.us(dipunundhuh tanggal 4 Oktober 2011)
  2. ^ nusantara-news.com(dipunundhuh tanggal 4 Oktober 2011)