Masjid Camii Tokyo

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Masjid Camii Tokyo
Ing jero Masjid Camii Tokyo

Mesjid Camii Tokyo, Tōkyō-jāmii (東京ジャーミイ?) uga karan Masjid Tokyo, punika masjid kang dibangun wonten kompleks Pusat Kabudayan Turki ing Ōyama-chō, Shibuya-ku, Tokyo, Jepang. Mesjid iki kalebu masjid paling gedhé ing Jepang. Mesjid iki dibangun bebarengan karo sekolah ing tanggal 12 Mei 1938 déning wong Bashkir lan Tatar kang ngungsi menyang Jepang sawisé Revolusi Oktober. Pambangunané diawasi karo Abdürreşid Ibrahim (imam kapisan masjid) lan Abdülhay Nikolay Ali.[1]

Ing taun 1986, masjid kasebut kudu dibongkar amargi karusakan struktural kang gedhé. Kanthi arahan lan sengkuyungan saka Türkiye Cumhuriyeti Diyanet Işleri Başkanlığı (Kamantrian Agama Republik Turki), pambangunan wangunan anyar dipunwiwiti ing taun 1998.[2] Arsitek pambangunan ya iku Muharrem Hilmi Senalp. Arsitektur masjid digawé adhedasar gaya ottoman, mula wujudé masjid arep madani masjid ing Turki. Watara pitung puluh tukang saka Turki ngurus masalah finishing, lan mayoritas bahan baku marmer ditekaké saka Turki. Pambangunan masjid iki rampung ing taun 2000 kanthi biaya kira-kira 1,5 milyar yen. Paresmian dianakaké ing tanggal 30 Juni 2000.[3]

Tokyo Camii punika ngadek ing lemah kang jembaré 734 meter persegi lan nduweni petang lantai (telung lantai nduwur lan siji lantai basement) kanthi jembar total 1.477 meter persegi. Kubah utama dhuwuré 23,25 mèter lan enem cagak utama, saben-saben cagak dhuwuré 41,48 metèr.[4]

Peraturan[besut | besut sumber]

Nalika mlebu/ngunjungi masjid iki, panjenengan kudu manut paugeran ingkang wonten. Yaiku:

  1. Ora oleh nganggo kathok cendhak
  2. Ora oleh nganggo kemeja lengen cendhak
  3. Ora oleh mangan ing jero masjid
  4. Ora oleh turu ing jero masjid
  5. Ora oleh mlebu masjid nganggo sepatu
  6. Ora oleh nggawe ramé lan mecahné kaca ing jero masjid
  7. Ora oleh nggawé ngrerusak (kayata: maling, nyorat-nyoret/vandalism, lsp) ing jero masjid

Kaanan Saiki[besut | besut sumber]

Masjid Tokyo diurusi déning Tokyo Camii Foundation lan masjid iki dinobatké sebagai salah siji saka 20 obyek wisata gratis apik dhéwé ing Jepang 2017 déning Tripadvisor.[5]

Sesambungan[6][besut | besut sumber]

Alamat:
 1-19 Oyama-cho, Shibuya-ku
 151-0065 Tokyo, JEPANG
Tel: 03-5790-0760
Fax: 03-5790-7822
Surel: info@tokyocamii.org

Cathetan[besut | besut sumber]

Tembung camii punika dijipuk saka Basa Turki ne jami'. Tembung jami' ing Basa Arab tegesé "papan ngumpul jemaat."[7]

Waca uga[besut | besut sumber]

Rujukan[besut | besut sumber]

  1. "About Tokyo Camii » Tokyo Camii - Turkish Culture Center". Tokyo Camii - Turkish Culture Center (ing basa Inggris). Dijupuk 2018-01-11. 
  2. "Tokyo Camii History » Tokyo Camii - Turkish Culture Center". Tokyo Camii - Turkish Culture Center (ing basa Inggris). Dijupuk 2018-01-11. 
  3. "New Tokyo Mosque opens". The Japan Times Online (ing basa Inggris). 2000-07-01. ISSN 0447-5763. Dijupuk 2018-01-11. 
  4. "Japan's largest mosque completed in Tokyo". Kajima News & Notes. 2000-03-21. 
  5. "Tripadvisor Top 20 Best Free Attractions in Japan 2017 » Tokyo Camii - Turkish Culture Center". Tokyo Camii - Turkish Culture Center (ing basa Inggris). 2018-01-06. Dijupuk 2018-01-11. 
  6. "Contact » Tokyo Camii - Turkish Culture Center". Tokyo Camii - Turkish Culture Center (ing basa Inggris). Dijupuk 2018-01-11. 
  7. "masjid jami". Kamus KBBI Online, Makna Kata dari Kamus Besar Bahasa Indonesia (ing basa Inggris). 2014-12-01. Dijupuk 2018-01-11. 

Pranala Jawi[besut | besut sumber]