Masjid At Taqwa Cirebon
 | Artikel iki prelu dirapèkaké supaya jumbuh karo wewaton artikel WikipédiaPanjenengan bisa mbiyantu ngrapèkaké artikel iki kanthi mérang dadi paragraf-paragraf utawa wikifikasi. Sawisé dirapèkaké, tandha iki kena dibusak. |
Masjid Raya At-Taqwa Kota Cirebon inggih punika salah satunggaling masjid ingkang madeg wonten ing Jalan RA. Kartini, kacamatan Kejaksaan, Kota Cirebon, Jawa Kilen, Indonésia. Masjid At Taqwa Kota Cirebon punika dipunyasa nalika taun 1918 wonten ing kampong Kejaksan ingkang kapérang dados kalih bagèyan, inggih punika ingkang satunggal dipun-ginakaken minangka Tajug Agung utawi ingkang sapunika dados Masjid At-Taqwa saha sepalih bagèeyanipun ingkang dipun-ginakaken dados alun-alun Kejaksan ing sapunika. Ing taun 1918, Jalan RA. Kartini inggih minangka dalanipun sepur liwat dhateng Pelabuhan Cirebon ingkang lajeng dipunpindhah dhateng Jalan KS. Tubun.
Arsitektur
[besut | besut sumber]
Berkas info • Tampilkan sebagai foto 360° derajat
Gaya arsitèktur masjid raya At Taqwa punika gadhah titikan minangka yasan tropis kanthi atap jurai saha dipunjangkepi kaliyan sekawan menara alit ingkang dipunsebat minaret saha menara inggil kanthi dhuwur 65 mèter.[1] Nanging wontenipun gerbang ingkang ambanipun 3 mèter sadèrèngipun mlebet wonten ing yasan utama masjid dados titik ingkang ugi wigatos ingkang dados daya tarik masjid ingkang gadhah aji keistimewaan piyambak. Gerbang masjid kanthiawerna emas ingkang nyolok kanthi seratan kaligrafi kalih kalimah syahadat ingkang dipundamel saking bahan ‘’glass reinforced’’ (GRC) ing sak nginggiling watu granit asli saking Brazil katingal ngebaki pérangan ngajeng yasan masjid. Bingke warna pethak katingal langkung nambah éndah gerbang kanthi warna emas wau.[2] Enem saka kanggé nyangga lampu taman katingal ngiasi dalan mlebet tumuju dhateng gerbang, kados badhé nyambut kanthi remen rawuhipun tamu- tamu Allah. Sedaya jubin masjid saha témbok masjid dipundamel ngginakaken watu granit ugi, makaten ugi kaliyan saka- saka ing lebet masjid. Saka- saka mesjidipun ugi dipunhias mawi ornament arsitèktur khas Islam. Boten kados yasan ing padatanipun, pérangan témbok masjid boten dipunjangkepi kaliyan cendhela ingkang ketutup kaliyan kaca. Cendhela- cendhela ageng ingkang wonten ing masjid kasebat dipunjoraken kemawon kebukak kanggé damel aliran angin lancar mlebet saha medal saking masjid. Cendhela wonten ing masjid kasebat naming dipuntrails kemawon mawi trails wesi dipuntambah kaliyan elemen-elemen sanèsipun ingkang nambah kaendahaning masjid ingkang dipundamel saking kuningan kanthi pola arsitèktur Islam ugi. Ing sak njawining masjid ugi katingal asri amargi dipuntanduri 10 wit kurma ing palataranipun masjid celak kaliyan margi. Ing ngajeng masjid ugi dipunyasa kalih blumbang kanthi toya mancur ing sisih tengen saha kering masjid pérangan ngajeng ingkang ugi damel masjid katingal langkung ѐndah.