Manohara Odelia Pinot
| Manohara Odelia Pinot | |
|---|---|
 | |
| Lair | 28 Fèbruari 1992 Jakarta, Indonesia |
| Bangsa | Indonesia |
| Pakaryan | Artis, Model |
| Wong tuwa | George Manz (bapak) Daisy Fajarina (ibu) |
Manohara Odelia Pinot (lair ing Jakarta, 28 Fèbruari 1992; umur 33 taun) inggih punika model saking Indonesia.[1] Manohara lair saking ibu katurunan bangsawan Bugis, Daisy Fajarina lan rama saking Perancis, Reiner Pinot Noack. Manohara gadhah kalih kewarganagaraan Amérikah Sarékat lan Indonesia.[1] Naminipun wiwit misuwur nalika mlebet ing dhaftar 100 Pesona Indonesia déning kalawarti Harper's Bazaar.[1] Ing yuswa ingkang taksih enem, Manohara gadhah penggalih péngin gadhah yayasan sosial.[1] Model ingkang gadhah hobi sinau basa lan seni punika dipunpundhut garwa déning pangeran saking Malaysia, Tengku Muhammad Fakhry, kamangka nalika samanten manohara nembé 16 taun.[1] Criyos punika dipunwiwiti nalika pepanggihanipun Manohara kaliyan Tengku Fakhry ing sasi Dhésèmber 2006.[1] Nalika samanten pepanggihan ing adicara dhahar ing wayah dalu.[1] Amargi pepanggihan punika, Fakhry dados tresna dhateng Manohara.[1] Nami Manohara misuwur ing médhia massa Indonesia lan Malaysia ing sasi April 2009, amargi wonten cecongkrahan Manohara kaliyan garwanipun, Tengku Muhammad Fakhry Petra, putra kaping 3 Sultan kelantan, Malaysia.[2] Cecongkrahan punika ndadosaken Manohara minggat wangsul dhateng Jakarta kanthi sadèrèngipun mampir ing Singapura ing pungkasanipun taun 2008.[1] Amargi mangertos menawo Manohara minggat, Fakhry mbudidaya supados Manohara wangsul malih dhateng Kelantan.[1] Salah satunggalipun usaha punika inggih punika numbasaken mobil kanggé bebungah ulang taunipun Manohara tanggal 25 Fèbruari 2009.[1]
Pranala njawi
[besut | besut sumber]Manohara Odelia Pinot
Cathetan suku
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |