Pulo Macquarie

Saka Wikipédia Jawa, bauwarna bébas abasa Jawa
(Dilih saka Macquarie Island)
Pulo Macquarie, salah satunggaling situs warisan donya UNESCO
Pulau Macquarie
MacquarieIsland7.JPG
Situs Warisan Donya UNESCO
Pernah Australia Edit this on Wikidata
Laladan 128 km2 (1.38×109 sq ft)
Paugeran vii, viii[1]
Rujukan 629
Koordhinat 54°36′S 158°52′E / 54.6°S 158.86°E / -54.6; 158.86
Prasasti 1997 (Sèsi ke-21)

Pulo Macquarie inggih punika salah sawijining pulo ingkang dumunung ing Samudra Selatan, sakitar sadengah perjalanan saking Australia tumuju ing Antartika. Pulo punika dipunkelola déning Praja Tasmania, Australia.[2]

Sajarah[besut | besut sumber]

Pulo Macquarie kanthi boten sengaja kapanggih déning Frederick Hasselborough nalika 1810 nalika piyambakipun saweg pados lahan perburuan anjing laut. Piyambakipun lajeng ngeklaim pulo punika kagunganipun [[[Britania Raya]] lan mlebetaken ing salebeting laladan jajan New South Wales. Pulo punika dipunsukani nama sabibaripun Lachlan Macquarie, gubernur kolonial ingkang dipunanggep minangka sang panemu bawana Australia. Saking paréntah Alexander I saking Rusia, Fabian Gottlieb von Bellingshausen njajahi pulopunika nalika 28 November 1820 lan ngrantam peta Pulo Macquarie ingkang kapisanan. Ing mrika piyambakipun nuker "rum]" lan tetedhan kanthi manéka jinis kéwan asli saking papan punika.[3]

Nalika taun 1890, New South Wales ngalihaken kakuwasanipun Pulo Macquarie dhumateng Tasmania ingkang lajeng nyéwakaken dhumateng Joseph Hatch nalika taun 1902 - 1920. Nalika ing taun 1911 - 1915, sawijining pangkalan lan stasiun meteorologi saged nindakaken operasi ing papan punika saperlu kapentingan Ekspedisi Antartik Australasia. Pulo punika lajeng dipuntetepaken minangka suaka margasatwa nalika 1933. Nalika ing 26 Dhésèmber 1947, kakuwasaan pulo punika pindhah malih dhumateng Australia minangka péranganing pérangan administrasi Teritori Antartik Australia. Markas Ekspedisi Riset Antartik Nasional Australia (ANARE) dipundhirikaken ing pulo punika nalika tanggal 25 Mèi 1948.[4]

Pulau Macquarie — sapunika kalebet ing salebeting wewengkon Praja Tasmania — dipuntetepaken minangka cagar alam nalika taun 1978 lan nalika taun 1997 minangka Situs Warisan Donya UNESCO.[5]

Nalika 23 Dhésèmber 2004, lindhu kanthi kekiyatan 8,1 (skala Richter) kadadosan ing pulo punika, ananging boten ngantos wonten karisakan ageng. Téyori bilih bebeya mau minangka awal saking lindhu Samudra Hindia 2004 dipuntentang déning sapérangan ageng nimpuna seismologi.

Géografi[besut | besut sumber]

Koordinat Pulo Macquarie inggih punika 54°37' LS 158°51' BT, nedahaken titik paling kidul Persemakmuran Australia.[6]

Wewengkon pulo punika jembaripun 128 km² kanthi dawa 34 km lan amba 5 km.

Dhémografi[besut | besut sumber]

Ingkang dados penghuni wonten ing pulo punika namung anggota-anggota ANARE kanthi cacah 20 - 40 tiyang ingkang dumunung ing sawijning pangkalan tetep salama satunggal taun wutuh.[7]

Fauna[besut | besut sumber]

Fauna wonten ing Pulo Macquarie antawisipun inggih punika anjing laut, pinguin lan kelinci. Pulo punika dipunnyatakaken bébas saking kucing feral nalika taun 2002.[4]

Cathetan suku[besut | besut sumber]

Cithakan:World Heritage Sites In Ostrali