Louis Althusser

Saka Wikipédia Jawa, bauwarna mardika basa Jawa
Louis Pierre Althusser
Lair16 October 1918
Birmendreïs, French Algeria
Pati22 Oktober 1990(1990-10-22) (umur 72)
Paris, France
Kala20th-century philosophy
TlatahWestern Philosophy
AliranMarxism · Structuralism
Karsa pokok
Politics · Economics · Ideology
Gantha misuwur
The epistemological break
Overdetermination
Ideological state apparatuses
Interpellation
lacunar discourse
Materialism of the Encounter

Louis Althusser inggih punika satunggalipun filsuf aliran Marxis ingkang paling gadhah prabawa wonten ing dekade 1960-an lan 1970-an.[1] Althusser lair ing taun 1918 lan tilar donya taun 1990.[1][2] Karyanipun kanthi irah-irahan Dhateng Marx (wonten ing basa Perancis Pour Marx lan Maos Modal (wonten basa Perancis Lire le Capital) damel Althusser dados misuwur ing kalangan intelektual Perancis lan saged narik kawigaten pamaos saking mancanagari.[2] Terjemahan wonten ing basa Inggris dhateng kalih karya punika ing taun 1969 lan 1970 saged nyurung ngrembakanipun pamikiran Marxis ing wewengkon ingkang nganggé basa Inggris sadangunipun tuan 1970-an.[2] Althusser lair ing Aljazair lan nelasaken sepalih saking gesangipun ing nagari Perancis.[1] Pamikiranipun Althusser babagan Marxisme bènten sanget kaliyan pamkiriranipun kaum Hegelian lan kaum humanis babagan Marx ingkang ngrembaka sadangunipun kalih dekade sasampunipun Perang Donya II.[1] Althusser mirsani bilih wonten bènten epistemologis wonten ing dhirinipun Marx nalika panjenenganipun taksih enem lan nalika sampun wiwit sepuh.[1][2] Seratanipun Marx nalika taksih enem ingkang gadhah motif humanis dipunprabawai déning Feuerbach lan, mliginipun pamikiranipun Hege.[1][2]

Cathetan suku[besut | besut sumber]

  1. a b c d e f [Ted Honderich, ed. 1995. Oxford Companion to Philosophy. New York: Oxford University Press]
  2. a b c d e [Andrew Levine. 1999. "Althusser, Louis". In The Cambridge Dictionary of Philosophy. Robert Audi, ed. 23-24. London: Cambridge University Press]

Pranala njawi[besut | besut sumber]