Lara gorokan streptokokus

Saka Wikipédia Jawa, bauwarna mardika basa Jawa
Jump to navigation Jump to search
Lara gorokan streptokokus
Classification and external resources
ICD-10 ICD-10 Chapter J|J020
ICD-9 034.0
DiseasesDB 12507
MedlinePlus 000639
eMedicine med/1811

Lara gorokan streptokokus (Basa Indonésia: Faringitis streptokokus) ya iku lelara kang disebabake déning bibit lelara mau “gugus bakteri streptokokus A”.[1] Lara gorokan jinis iki namani gorokan, amandel (klanjer kang cacahé loro wujudé lonjong ing gorokan, ing mburi cangkem), lan bisa uga kothak swara (laring). Tandha-tandha umum kalebu panas, lara gorokan (uga sinebut pancingen), lan abuhing klanjer (sinebut klanjer getah bening) ing gulu. Lara gorokan Streptokokus nyebabake 37 kasus lara gorokan kang kedadeyan marang bocah cilik.[2]

Lara gorokan Streptokokus nyebar lumantar senggolan raket karo panandhang. Supaya 100 persèn yakin yèn wong ketaman lara gorokan Streptokokus, sawijining tes sinebut kultur gorokan prelu dilakoni. Ewasemono, tanpa tes mau, kasus kang memper lara gorokan mangkono bisa ditemtokake saka tandha-tandha kang tuwuh. Ing kasus-kasus kang memper utawa wis pesthi, antibiotik (obat kang mbrastha bakteri) bisa nyegah lelara mundhak parah lan bisa nyepetake kasarasan.[3]

Tandha lan tandha-tandha[besut | besut sumber]

Tandha-tandha umum lelara iki ya iku pancingen, panas punjul 38 °C (100.4 °F), nanah (barang cuwer kang wernane kuning utawa ijo) ing amandel, lan abuhing klanjer ing gulu.[3]

Kadhangkala tuwuh uga tandha-tandha liyané:

  • Sirah ngelu (mumet)[4]
  • Mutah utawa muleg-muleg[4]
  • Lara weteng[4]
  • Awak pating klenyer[5]
  • Bidhuren (kulit pating plenthing abang) ing awak utawa ing njero cangkem utawa gorokan (tandha-tandha kang ora lumrah nanging kusus ing jinis lelara iki) [3]

Wong kang nandhang lara gorokan Streptokokus bakal nuduhake tandha-tandha ing sadina nganti telung dina sabanjuré senggolan karo wong liya kang ketaman lelara iki.[3]

Panyebab[besut | besut sumber]

Lara gorokan Streptokokus disebabake déning bibit lelara (utawa bakteri) sinebutStreptokokus gugus A beta-hemolitik utawa group A beta-hemolytic streptococcus (GAS).[6] Bibit lelara liya uga bisa nyebabake pancingen.[3][5] Lara gorokan Streptokokus nyebar langsung saka senggolan raket karo panandhang. Wong akèh kang nglumpuk dadi siji ing saenggon, kaya ta ing militèr utawa sekolahan, bisa nyepetake sumebaring lelara ki.[5][7] Bibit lelara kang wis garing lan tinemu ing lebu ora bisa njalari wong lara. Bibit teles, kaya ta kang tinemu ing sikat untu, bisa marahi wong lara nganti sasuwéné 15 dina.[5] Bibit-bibit lelara iki bisa urip ing pangan sanajan arang lelakoné, lan bisa nyebabake lara marang wong kang mangan pangan mau.[5] Rolas persèn bocah kang ora nuduhake tandha-tandha lara gorokan iki nggawa bibit GAS ing gorokane.[2]

Nemtokake lara gorokan Streptokokus[besut | besut sumber]

Modhifikasi Sekor Centor
Biji Prakira Lara Streptokokus Pangobatan
1 utawa kurang <10% Ora perlu antibiotik utawa kultur
2 11–17% Antibiotik miturut kultur utawa RADT
3 28–35%
4 utawa 5 52% Antibiotik empiris

Saprangkat wewaton sinebut Modhifikasi Sekor Centor minangka nemtokake cara nambani wong kang nandhang pancingen. Adhedhasar limang wewaton klinis, sekor Centor nandhani iya orane lara gorokan Streptokokus kedadeyan.[3]

Angka siji dipasangake ing saben wewaton ing ngisor iki:[3]

  • Ora watuk
  • Klanjer abuh lan empuk ing gulu
  • Suhu badan punjul 38 °C (100.4 °F)
  • Nanahen utawa abuhing klanjer ing gorokan(amandel)
  • Umur durung nyandhak 15 (angka siji dikurangi tumrap umur punjul 44)

Tes laborat[besut | besut sumber]

Sawijining tes sinebut kultur gorokan ya iku cara utama[8] kanggo mesthekake iya orane wong nandhang lara gorokan Streptokokus. Kabecikan tes iki nemtokake lelara mau kabijen 90 nganti 95 persèn saka sakehing wong kang dites.[3] Bisa uga nggunakaké sawijining tes sinebut tes kilat Strep (uga sinebut tes kilat dheteksi antigen utawa rapid antigen detection testing/RADT). Tes kilat Strep asile luwih rikat ketemu tinimbang kultur gorokan nanging mung bisa mènèhi asil becik 70 persèn saka sakehing wong kang dites. Tes kaloro mau bisa imbang nemtokake lelara yèn panandhang ora kena lara gorokan Streptokokus (ya iku ing 98 persèn saka kabehing wong kang dites).[3]

Kultur gorokan positif (liya ukara, kang nemtokake lara oraning wong) utawa tes kilat Strep, ditambah tandha-tandha lara gorokan Streptokokus nuduhake tuwuhing lelara mau.[9] Wong kang ora nuwuhaké tandha-tandha ora perlu dites kultur gorokan utawa tes kilat. Gunggung persèn tinemtu saka populasi mau ngemot bakteri Streptokokus ing gorokan nanging ora nganti mbebayani.[9]

Lelara liyané kang bisa salah diarani lara gorokan Streptokokus[besut | besut sumber]

Delengen uga: Acute pharyngitis

Tandha-tandha lara gorokan Streptokokus uga bisa kedadeyan ing kaanan lara liyané. Mula, nemtokake lara gorokan Streptokokus bisa angèl dilakoni tanpa ngadani tes kultur gorokan utawa tes Streptokokus kilat.[3] Watuk, umbel meler, mencret, lan mripat abang karo perih, saliyané panas lan pancingen racaké luwih memper lara gorokan kang disebabake déning virus tinimbang lara gorokan Streptokokus.[3] Abuhing klanjer (klanjer limfe) ing gulu ditambah pancingen, panas, lan klanjer kang tambah gedhé (amandel) ing gorokan bisa uga tuwuh ing lelara liyané, sinebut mononukleosis infeksiosa.[10]

Panyegahan[besut | besut sumber]

Oprasi amandel bisa dadi cara pangobatan kanggo wong kang kerep nandhang lara iki supaya ora tuwuh manèh.[11][12] Nganti taun 2003, yèn lara gorokan Streptokokus kedadeyan nganti ping telu luwih ing wektu setahun, oprasi amandel dianggep kang paling trep dilakoni.[13] Ewasemono, nunggu kanthi waspada uga bisa.[11]

Pangobatan[besut | besut sumber]

Lara gorokan Streptokokus kang ora ditambani lumrahé mari ing sauntara dina.[3] Panggunan obat(antibiotik) nyendakake wektu tuwuhing tandha-tandha wetarane nganti 16 jam.[3] Pangobatan nganggo antibiotik duwé tujuan utama ya iku ngurangi risiko lelara sansaya nemen, kaya ta mundhak panas nemen (sinebut panas rematik) utawa nglumpuking nanah ing gorokan (aran abses retrofaring)[3]. Obat-obat iku mau bisa mandi yèn diwènèhake ing sajeroning wektu 9 dina wiwit tandha-tandha tuwuh.[6]

Pangobatan rasa lara[besut | besut sumber]

Obat kanggo ngurangi rasa lara, kaya ta obat kang ngurangi abuh (non-steroidal anti-inflammatory drugs, utawa NSAIDs) utawa obat kang ngudhunake panas (parasetamol, utawa asetaminofen), bisa mbantu ngenthengake rasa lara kang tuwuh bebarengan karo lara gorokan Streptokokus.[14] Steroid bisa uga dianggo [6][15], memper kaya salep utawa balsem kang arane lidocaine.[16] Aspirin bisa dianggo karo wong kang wis diwasa nanging ora prayoga kanggo bocah amarga bisa ningkatake risiko lelara aran sindrom Reye's kang bisa nyebabake oncating nyawa.[6]

Obat antibiotik[besut | besut sumber]

Antibiotik kang umum digunakaké ing Amérika kanggo nambani lara gorokan Streptokokus ya iku penisilin V. Obat iki populer amarga aman, regane murah, lan mandi.[3] Obat kang arane amoxicillin luwih disenengi ing wewengkon Éropah.[17] Nagara India, kang duwé risiko luwih dhuwur tumrap tuwuhing panas rematik, milih obat suntik kang arane benzathine penicillin G minangka obat utama kang dianggo.[6] Antibiotik kang bener bisa nyendhakake wektu rata-rata tuwuhing tandha-tandha (ya iku telu nganti limang dina) dadi mung sadina. Obat-obatan iku mau uga bisa ngurangi sumebaring lelara iki.[9] Utamane kanggo ngurangi komplikasi kaya ta panas serius, gabagen, utawa infeksi.[18] Linuwihing antibiotik kanggo tamba lara gorokan Streptokokus kudu imbang karo efek samping kang bisa tuwuh sabanjuré[5]. Obat antibiotik ora prelu diwènèhake marang wong diwasa kang séhat lan nuduhake reaksi négatif marang obat mau.[18] Antibiotik kanggo lara gorokan Streptokokus kudu diresepake luwih dhuwur tinimbang prakira parahing kedadeyan lelara iki lan kacepetan sumebare.[19] Obat eritromisin (lan usada liyané, kaaran macrolides) prayoga kanggo wong kang alergi parah karo penisilin.[3] Sadurungé nganggo penisilin, jinis obat kang arane sefalosporin bisa minangka wong kang alergine luwih entheng.[3] Infeksi Streptokokus uga bisa nyebabake abuhing ginjel. Kaanan kaya mangkono tetep bisa tuwuh arepa antibiotik wis dianggo.[6]

Bakale Lelara Iki Sabanjure[besut | besut sumber]

Tandha-tandha lara gorokan iki lumrahé malih apik, ing watara telu nganti limang dina, ditambani utawa ora.[9] Pangobatan nganggo antibiotiik ngurangi risiko tuwuhing lelara kang luwih serius lan nyegah sumebaring lelara iki. Bocah bisa langsung mangkat sekolah manèh ing wetara 24 jam sawisé ngombé antibiotik.[3]

Kaanan serius ing ngisor iki bisa disebabake déning lara gorokan Streptokokus:

  • Panas nemen, kaya ta panas rematik[4] utawa scarlet fever[20]
  • Lelara kang bisa marahi nyawa oncat aransindrom syok toksik[20][21]
  • Ginjel abuh[22]
  • Lelara sinebut sindrom PANDAS[22], ya iku masalah imun kang nyebabake tandha-tandha patrap kang tuwuhe dumadakan lan kadhangkala serius

Pola lan panyebaran lelara[besut | besut sumber]

Pancingen (utawa faringitis), ya iku sajembaring kategori lelara kang bisa nuwuhaké lara gorokan Streptokokus, kadiagnosa ing 11 yuta wong saben tahune ing Amérika Sarékat.[3] Sakehing kasus pancingen mau lumrahé disebabake déning virus. Nanging, bakteri Streptokokus grup A beta-hemolitik nyebabake 15 nganti 30 persèn lara pancingen ing bocah lan 5 nganti 20 persèn ing wong diwasa.[3] Kasus-kasus mau racaké kedadeyan ing sarampunge mangsa dingin lan wiwitane mangsa semi.[3]

Rujukan[besut | besut sumber]

  1. Cithakan:DorlandsDict
  2. a b Shaikh N, Leonard E, Martin JM (2010). "Prevalence of streptococcal pharyngitis and streptococcal carriage in children: a meta-analysis". Pediatrics 126 (3): e557–64. PMID 20696723. doi:10.1542/peds.2009-2648.  Paramèter |month= sing ora kawruhan dikiwakaké (pitulung)
  3. a b c d e f g h i j k l m n o p q r s t u Choby BA (2009). "Diagnosis and treatment of streptococcal pharyngitis". Am Fam Physician 79 (5): 383–90. PMID 19275067.  Paramèter |month= sing ora kawruhan dikiwakaké (pitulung)
  4. a b c d Brook I, Dohar JE (2006). "Management of group A beta-hemolytic streptococcal pharyngotonsillitis in children". J Fam Pract 55 (12): S1–11; quiz S12. PMID 17137534.  Paramèter |month= sing ora kawruhan dikiwakaké (pitulung)
  5. a b c d e f Hayes CS, Williamson H (2001). "Management of Group A beta-hemolytic streptococcal pharyngitis". Am Fam Physician 63 (8): 1557–64. PMID 11327431.  Paramèter |month= sing ora kawruhan dikiwakaké (pitulung)
  6. a b c d e f Baltimore RS (2010). "Re-evaluation of antibiotic treatment of streptococcal pharyngitis". Curr. Opin. Pediatr. 22 (1): 77–82. PMID 19996970. doi:10.1097/MOP.0b013e32833502e7.  Paramèter |month= sing ora kawruhan dikiwakaké (pitulung)
  7. Lindbaek M, Høiby EA, Lermark G, Steinsholt IM, Hjortdahl P (2004). "Predictors for spread of clinical group A streptococcal tonsillitis within the household". Scand J Prim Health Care 22 (4): 239–43. PMID 15765640. doi:10.1080/02813430410006729. 
  8. Smith, Ellen Reid; Kahan, Scott; Miller, Redonda G. (2008). In A Page Signs & Symptoms. In a Page Series. Hagerstown, Maryland: Lippincott Williams & Wilkins. k. 312. ISBN 0-7817-7043-2. 
  9. a b c d Bisno AL, Gerber MA, Gwaltney JM, Kaplan EL, Schwartz RH; Gwaltney (2002). "Practice guidelines for the diagnosis and management of group A streptococcal pharyngitis. Infectious Diseases Society of America". Clin. Infect. Dis. 35 (2): 113–25. PMID 12087516. doi:10.1086/340949.  Paramèter |month= sing ora kawruhan dikiwakaké (pitulung); Kurang |last2= ing Authors list (pitulung)
  10. Ebell MH (2004). "Epstein-Barr virus infectious mononucleosis". Am Fam Physician 70 (7): 1279–87. PMID 15508538. 
  11. a b Paradise JL, Bluestone CD, Bachman RZ; et al. (1984). "Efficacy of tonsillectomy for recurrent throat infection in severely affected children. Results of parallel randomized and nonrandomized clinical trials". N. Engl. J. Med. 310 (11): 674–83. PMID 6700642. doi:10.1056/NEJM198403153101102.  Paramèter |month= sing ora kawruhan dikiwakaké (pitulung)
  12. Alho OP, Koivunen P, Penna T, Teppo H, Koskela M, Luotonen J (2007). "Tonsillectomy versus watchful waiting in recurrent streptococcal pharyngitis in adults: randomised controlled trial". BMJ 334 (7600): 939. PMC 1865439. PMID 17347187. doi:10.1136/bmj.39140.632604.55.  Paramèter |month= sing ora kawruhan dikiwakaké (pitulung)
  13. Johnson BC, Alvi A (2003). "Cost-effective workup for tonsillitis. Testing, treatment, and potential complications". Postgrad Med 113 (3): 115–8, 121. PMID 12647478.  Paramèter |month= sing ora kawruhan dikiwakaké (pitulung)
  14. Thomas M, Del Mar C, Glasziou P (2000). "How effective are treatments other than antibiotics for acute sore throat?". Br J Gen Pract 50 (459): 817–20. PMC 1313826. PMID 11127175.  Paramèter |month= sing ora kawruhan dikiwakaké (pitulung)
  15. "Effectiveness of Corticosteroid Treatment in Acute Pharyngitis: A Systematic Review of the Literature.". Andrew Wing. 2010; Academic Emergency Medicine. 
  16. "Generic Name: Lidocaine Viscous (Xylocaine Viscous) side effects, medical uses, and drug interactions". MedicineNet.com. Dijupuk 2010-05-07. 
  17. Bonsignori F, Chiappini E, De Martino M (2010). "The infections of the upper respiratory tract in children". Int J Immunopathol Pharmacol 23 (1 Suppl): 16–9. PMID 20152073. 
  18. a b Snow V, Mottur-Pilson C, Cooper RJ, Hoffman JR (2001). "Principles of appropriate antibiotic use for acute pharyngitis in adults" (PDF). Ann Intern Med 134 (6): 506–8. PMID 11255529.  Paramèter |month= sing ora kawruhan dikiwakaké (pitulung)
  19. Linder JA, Bates DW, Lee GM, Finkelstein JA (2005). "Antibiotic treatment of children with sore throat". J Am Med Assoc 294 (18): 2315–22. PMID 16278359. doi:10.1001/jama.294.18.2315.  Paramèter |month= sing ora kawruhan dikiwakaké (pitulung)
  20. a b "UpToDate Inc.". 
  21. Stevens DL, Tanner MH, Winship J; et al. (1989). "Severe group A streptococcal infections associated with a toxic shock-like syndrome and scarlet fever toxin A". N. Engl. J. Med. 321 (1): 1–7. PMID 2659990. doi:10.1056/NEJM198907063210101.  Paramèter |month= sing ora kawruhan dikiwakaké (pitulung)
  22. a b Hahn RG, Knox LM, Forman TA (2005). "Evaluation of poststreptococcal illness". Am Fam Physician 71 (10): 1949–54. PMID 15926411.  Paramèter |month= sing ora kawruhan dikiwakaké (pitulung)