Kutis

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Kutis
Scarabaeus laticollis 2.jpg
Kutis loro rebutan tai
Klasifikasi ngèlmiah
Karajan: Animalia
Filum: Arthropoda
Klas: Insecta
Ordho: Coleoptera
Subordho: Polyphaga
Superfamili: Scarabaeoidea (in part)
Famili: Scarabaeidae

Kutis ya iku jinis kumbang kang kabèh utawa sapérangan panganané rupa tai kéwan. Kutis bisa ngusung tai kang boboté 250 luwih abot tinimbang awaké ing wektu sewengi.[1] Pira-pira jinis kutis mbentuk tai kéwan dadi bunder banjur ngglindhingaké menyang lèngé kanggo simpenan pangan utawa susuh larvané. Jinis liya gawé bolongan lan mendhem tetai ing ngendi tai mau ditekokaké. Jinis liya ora mindhah tainé, nanging langsung mapan ing kono. Sawenèh spésiès gedhéné bisa nganti 3 cm.

Pakulinan lan papan urip[besut | besut sumber]

Kutis urip ing manéka warna habitat, kalebu ara-ara, sesawahan, alas lan sabanah kajaba kang banget adhem lan garingé. Kutis tinemu ing kabèh banawa kajaba Antartika. Kutis mangan tai kéwan hèrbivor lan omnivora lan milih tai kéwan kang isih anyar.[2] Pira-pira jinis uga mangan jamur, godhong lan woh-wohan kang bosok. Kanthi mangan tai, kutis wis ora prelu manèh mangan utawa ngombé liyané amarga kabèh mau wus sumadya ing tai mau.

Munfangat[besut | besut sumber]

Kutis mengku ayahan kang wigati ing ékosistem. Kanthi manfangataké tai kanggo panguripan, kutis bisa nglancaraké sumebaring nutrisi lan struktur lemah.[3] Kutis uga mbiyantu ngreksa kéwan rajakaya amarga tai kang ora pangan kutis bisa kanggo mapan tumangkaré gegremet liya kang mbebayani kaya ta laler.

Rujukan[besut | besut sumber]

  1. "Some Less Known Fascinating Facts about Dung Beetle". IANS. news.biharprabha.com. Dijupuk 21 April 2014. 
  2. Dell'Amore, Christine. "Dung Beetles’ Favorite Poop Revealed". National Geographic. National Geographic Society. Dijupuk 22 September 2016. 
  3. Brown, J.; Scholtz, C. H.; Janeau, J. L.; Grellier, S.; Podwojewski, P. (2010). "Dung beetles (Coleoptera: Scarabaeidae) can improve soil hydrological properties". Applied Soil Ecology 46: 9. doi:10.1016/j.apsoil.2010.05.010.