Klaus Ebner

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Klaus Ebner
KlausEbner5.jpg
Lair (1964-08-08)8 Agustus 1964
Wina
Pakarya Panulis, panulis essay, pujangga, panerjemah
Bangsa Austria
Mangsa Kontèmporèr
Karya gedhé Hominide
Klaus Ebner (2008)

Klaus Ebner (8 Agustus 1964 ing Wina) iku siji panulis saka Austria. Dhèwèké senengané nulis carita-carita cekak ing kalawarti lan bukuné sing kapisan dibabar ing taun 2007. Dhèwèké nulis ing basa Jerman lan basa Katalan.

Babad salira[besut | besut sumber]

Ebner kuliah basa-basa Roman, filologi Jerman lan Ngèlmu alihbasa ing dasawarsa 1980-an ing Univèrsitas Wina[1]. Saliyané iku, dhèwèké uga nyambut gawé kanggo siji paguyuban sastra lan kalawarti Wina kanggo sastra. Pungkasané dhèwèké uga konsèntrasi ing sawetara pagawéyan profésional, kaya ta alihbasa lan mèlu sawetara proyèk-proyèk IT. Ing dasawarsa 1990-an, dhèwèké nerbitaké artikel-artikel lan buku-buku ngenani software lan topik-topik network. Sanadyan buku-buku iku ditulis ing basa Jerman, dhèwèké uga nulis ing basa Inggris[2].

Sawisé lulus saka sekolah, Klaus Ebner nulis tèks gancaran cekak, puisi lan sandhiwara radio. Lumrahé déning Ebner dibabar ing kalawarti sastra lan budaya. Sawisé taun 2004, panerbitan karya sastrané dadi luwih kerep. Saiki, Klaus Ebner iku siji pangripta fiksi naratif (roman utawa novèl, carita cekak, gancaran cekak), ésai lan puisi. Dhèwèké nulis ing basa Jerman lan Katalan. Ing taun 2007 dhèwèké lunga menyang Andorra lan nulis ésai[3] prakara nagara iki. Olèhé lunga menyang nagara ing Pagunungan Pyrenee iki diwèhi subsidi kasustran déning pamaréntah Ustenrik (Austria).

Karya-karya Ebner nyerminaké masarakat multi budaya, kebersamaan sajeroning méntalitas sing séjé-séjé, basa, étik lan kapercayan agama. Toleransi mainaké peran sing gedhé, sing saya katon ing kolèksiné karya gancaran sing kapindho, Auf der Kippe ("Ing Pinggiran"). Ing Acara Bebungah Internasional Puisi Nosside, dhèwèké karan karo siji puisi ing basa Jerman, sinandhingan karo pertalané ing basa Inggris. Juri celathu prakara "kangenesan métropolitan", sing bisa diungkapaké ing puisi[4] iki sing nulis prakara siji tukang koran sing "panganané awujud kasepèn":

Basa Inggris Basa Jerman Basa Jawa

a paperman and sick
forlorn in drunkenness
the wheels are blocking
clumsily
his meal consists of loneliness
its garnish
is the yearning for the past
beguiled by shouts of thunder
hope
that long ago
has died

ein Zettler krank
vergessen ganz im Suff
die Wagenräder sperren
zäh
sein Mahl besteht aus Einsamkeit
garniert
mit Sehnsucht nach Vergangenem
betört von lauten Rufen
Hoffnung
wie vor langem sie
verlosch

siji tukang koran lara
nyasar ing kamendheman
rodha-rodhané macet
kédhung
panganané awujud kasepèn
lawuhé
padrengan ing jaman biyèn
disapa déning guntur
pangarepan
sing wis suwé
ilang

Ing taun 2008 Klaus Ebner pinaringan panghargyan Wiener Werkstattpreis 2007. Carita cekak sing menang iku Der Flügel Last ("Beban Swiwi") sing nyritakaké siji kenya umur pitung taun sing nandhang lara kanker. Gaya naratifé nganggo gaya perspèktif bocah cilik. Ésai sing menang Was blieb vom Weißen Ritter? ("Apa Sing Turah saka Ksatriya Putih?") mènèhi sawetara pangertèn sithik sajeroning roman Abad Tengahan Tirant lo Blanch sing ditulis déning Joanot Martorell saka Valencia. Sang penulis nyampuraké pangalaman wacané dhéwé karo informasi filologi lan historis.[5]

Klaus Ebner saiki manggon lan nyambut gawé ing Wina. Dhèwèké siji anggota Asosiasi Penulis Graz (Grazer Autorenversammlung (GAV))[6] lan Sarékat Penulis Austria (Österreichischer Schriftstellerverband (ÖSV)).

Karya[besut | besut sumber]

Uga delengen[besut | besut sumber]

Réferènsi[besut | besut sumber]

  1. Ebner, Klaus: Auf der Kippe, d. 139.
  2. NT Update, issues 9, 10, 14ff., xephon, London 1999-2002.
  3. Interview Christof G. Pelz: Website Klaus Ebner, Essays (ing basa Jerman).
  4. Ebner, Klaus: ein Zettler krank/a paperman and sick, in: Amato, Pasquale lan Mariela Johnson Salfrán: Nosside 2007, Città del Sole Edizioni, Reggio Calabria 2007, d. 113.
  5. Tèks loro iki wis dibabar sajeroning brosur bebungah: Schaden, Peter (Ed.): wordshop x, FZA Verlag, Wina 2008.
  6. Cf. to the member's list of GAV, entri bab Klaus Ebner.

Pranala njaba[besut | besut sumber]