Kertu pos

Saka Wikipédia Jawa, bauwarna bébas abasa Jawa
Kertu pos kang gambaré Greja

Kertu pos ya iku salembar dluwang kang ukurané kandel utawa digawé saka karton tipis kang bentuké persegi panjang.[1] Kartu pos gunané kanggo nulis lan ngirimaké tulisan kang ora usah diwadhahi amplop.[1] Ngirim nganggo kartu pos regané luwih murah tinimbang yèn ngirim nganggo layang.[1]

Kertu pos kang sepisanan ing donya digawé ing Austria nalika tanggal 1 Oktober 1869.[1] Nalika iku kertu pos nduwéni jeneng Correspondenz-Karte. Kertu pos biyasané dikirimké wong-wong nalika lunga ing luar negeri kanggo kenang-kenangan kang mratandakaké yèn dhèwèké wis tau lunga ing nagara iku.[1] Jeneng Correspondez-Karte iki tegese kertu pos gunané kanggo alat kang bisa digunakaké kanggo berkoresponden.[1] Akèh kaluwihan saka kertu pos tinimbang nulis layang.[1] Kertu pos luwih sithik nggunakaké kertas lan ora prelu nggunakaké amplop.[1] Ukurané kang cilik uga kena kanggo nyingkat pawarta kang bakal dikirim marang kang nampa pesen.[1] Ilmu penelitian lan nglumpukaké kertu pos diarani deltiologi.[1]

Kartu pos biyasané ana gambaré.[2] Gambar kang ana ing kertu pos kayata gambar panggonan kang misuwur ing salah sawijining nagara iku, gambar wong, gambar alam kayata gunung, segara, kapal, kéwan-kéwan kayata kéwan kang langka lan dadi ciriné nagara iki, utawa gambar wong kang nduwéni jabatan kang dhuwur ing nagara.[2] Kertu pos uga kena kanggo ucapan Natal, taun baru, lan dina riyaya kayata Idul Fitri, lan dina kang dianggep penting ing nagara iku.[2]

Cathetan suku[besut | besut sumber]

  1. ^ a b c d e f g h i j (id)newsindo.com(dipunundhuh tanggal 17 Juni 2011)
  2. ^ a b c (id)indonesianewsonline.com(dipunundhuh tanggal 17 Juni 2011)


Sumber artikel punika saking kaca situs web: "https://jv.wikipedia.org/w/index.php?title=Kertu_pos&oldid=1101383"