Kayu urip

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Euphorbia tirucali kang tuwuh

Kayu urip kang duwé jeneng élmiah Euphorbia tirucali ya iku salah sawijining tanduran perdu kang kalebu famili Euphorbiaceae. Ing basa Indonésia, sinebut uga kanthi jeneng pohon patah tulang. Wit taunan iki duwé galih ngayu, carang akèh, lan tlutuhé putih kaya déné susu. Tetuwuhan iki duwé godhong tunggal kanthi dawa 3-5 mm. Kayu urip duwé kembang majemuk kang warnané jambon. Wohé bundher cilik, ijo lan wijiné soklat atos.[1]

Ékologi[besut | besut sumber]

Kayu urip sepisanan ditandur ing Amérika tropis lan Hawaii. Ana ing Indonésia, kayu urip dadi tanduran hias ing jero pekarangan. Kadhang kala ditandur ing pot utawa dadi tanduran pager. Thukul kanthi becik ing lemah-lemah entheng, masir lan nggembur. Wiwit saka dhaérah pesisir nganti lemah kang dhuwuré 1200 mèter saka segara.

Kandhutan kimia[besut | besut sumber]

Wit kayu urip

Kayu urip ngandhut tlutuh kang duwé racun kang bisa nyebabaké ruam kulit (dermatitis) lan bisa nyebabaké keracuan menawa ngonsumsi kang cacahé akéh. Pratandha keracunan ya iku iritasi lambé, gurung lan kejang weteng.

Rujukan[besut | besut sumber]

  1. Widiyastuti, Yuli (2009). Mengenal Tumbuhan Berbahaya di Sekitar Kita. Tawangmangu Karanganyar: Balai Besar Penelitian dan Pengembangan Tanaman Obat dan Obat Tradisional. k. 35. ISBN 978-979-985722-4.