Kastil Malbork

Saka Wikipédia Jawa, bauwarna bébas abasa Jawa
Kastil Ordo Teutonik ing Malbork
PL GMB Malbork castle Water gate.jpg
Situs Warisan Donya UNESCO
Pernah Polandia Edit this on Wikidata
Kalebu Castle Museum in Malbork Edit this on Wikidata
Paugeran ii, iii, iv[1]
Rujukan 847
Koordhinat 54°02′23″N 19°01′40″E / 54.0397°N 19.0278°E / 54.0397; 19.0278
Prasasti 1997 (Sèsi 21)
Situs jaringan www.zamek.malbork.pl/en/index.html

Kastil Malbork utawi Kastil Marienburg punika satunggaling kastil ingkang mapan wonten ing caketing Polen Tri-City Gdansk, Sopot, lan Gdynia mliginipun wonten ing pinggiring Kali Nogat sisih tenggara, Polen [2]. Kastil Malbork dipunyasa ing Prusia déning Orde Teutonik minangka ordensburg nalika taun 1274. Kastil punika dipunparingi nama Marienburg ingkang kanthi harfiah Mary Castle ingkang ateges Kastil Maria. Kutha ingkang madeg wonten ing kiwa tengenipun Kastil Malbork dipunwastani Marienburg. Ananging awit saking taun 1945 sasampunipun 173 taun kepengker, pérangan saking Polen kasebut kawéntar kanthi nama Malbork. Kastil punika tuladha klasik saking bètèng abad tengahan lan kalebet watu bata paling ageng sak-donya kanggé bètèng gothic. Kastil Malbork kadaftar wonten ing UNESCO minangka bètèng lan musiyum (Castle of the Teutonic Order in Malbork). ing satungggaling Situs Warisan Donya nalika Dhésèmber 1997 [3].

Pérangan kastil[besut | besut sumber]

Kastil ingkang kadamel saking watu bata punika kapérang dados tiga pérangan ingkang kapisah dados pérangan nginggil, pérangan tengah, lan pérangan ngandhap. Ingkang misahkaken pérangan kasebut punika parit garing lan menara. Kastil Malbork dinggeni déning 3.000 tentara kanthi wiyaing tembok dumugi 52 are (21 ha), kaping sekawan langkung ageng tinimbang Kadhaton Windsor. Wonten ing kastil punika ugi wonten kamar-kamar minangka papan kanggé saré, griya-griya, gudang senjata, pawon lan gréja [3].

Perang Dunia II taun ndadosaken Kastil Malbork risak langkung saking setengahing pérangan yasan. Lajeng tambah parah malih awit saking kobongan ingkang kadadosan nalika taun 1959. Katedral mliginipun kantun puing-puing. Kastil Malbork dipunyasa malih nalika taun 1962. Kathah wisatawan ingkang dugi dhateng Kastil Malbork amargi saben wulan ing papan punika asring wonten aréna pameran seni lan aréna atraksi wisata [3].

Kastil ingkang mapan wonten ing Taman Wilhemshole punika ugi dipunwastani kastil singa. Dipunbangun déning LandGrave Wilhem IX saking Hessen Kassel, kastil punika dipundesain déning arsitèk kraton anama Heinrich Cristoph Jussow ingkang ahli lan kagungan pengalaman wonten ing proyek pambangunan yasan-yasan ing Perancis, Italia, lan Inggris. Heinrich ugi naté nggambar rancangan Taman Landgrave [4].

Cathetan suku[besut | besut sumber]

  1. ^ http://whc.unesco.org/en/list/847.
  2. ^ [1], Kastil Malbork si saksi perkembangan Polen (dipun-akses tanggal 21 November 2012).
  3. ^ a b c [2], (id) http://www.htysite.com (dipun-akses tanggal 21 November 2012).
  4. ^ [3], (id) Arsitektur Kastil Malbork (dipun-akses tanggal 27 Dhésèmber 2012).