Kapuloan Kai

Saka Wikipédia Jawa, bauwarna bébas abasa Jawa
Kapuloan Kai

Kapuloan Kai inggih punika kalebet salah satunggaling kapuloan Indonésia ingkang mapan wonten ing sisih tenggara kapuloan Maluku, ingkang kalebet propinsi Maluku. Kapuloan Kai mapan wonten ing latitude 5° 26' 39" S saha longitude 132° 59' 47" E.[1]

Geografi[besut | besut sumber]

Kapuloan punika asring dipunsebat Nuhu Evav ("Kapuloan Evav") utawi Tanat Evav ("Negeri Evav") déning masarakat kapuloan Kai. Ananging masarakat ing pulo sanèsipun langkung remen nyebat kapuloan punika kanthi nama Kei utawi Kai. Kai punika sebatan saking jaman kolonial Hindia Walanda, lan taksih dipun-ginakaken wonten ing buku-buku ingkang dipunserat mawi sumber-sumber jaman rumiyin. Kapuloan punika mapan wonten ing laladan sakitering Kepala Burung Papua, ing sisih wétan saking Kapuloan Aru, lan ing sisih wétan tadi lor saking Kapuloan Tanimbar.

Wonten ing Kapuloan Kai, ugi dumunung pulo-pulo sanesipun, ing antawisipun inggih makaten:

Kahanan Fisik[besut | besut sumber]

Kapuloan Kai inggih kalebet kapuloan ingkang pulo-pulo nipun kalebet pulo-pulo tektonik, ingkang maujud saking jinising watu ultrabasa saha sedimen, saha gadhah terumbu karang ingkang saged dipun angkat. Kapuloan Kai sejatosipun maujud saking jinis watu gamping. Dene iklim ingkang wonten ing kapuloan punika inggih tropis kanthi wontenipun hutan hujan semi awet-ijo ingkang kasebar ing laladan -laladan bukit ing Kapuloan Kai Besar.

Pendhudhuk[besut | besut sumber]

Ing kapuloan Kai, warga masarakat ingkang dumunung wonten ing pulo punika sampun langkung kathah saéngga namung kantun sakedhik habitat alami turahanipun. Dene ing Kai Besar pendhudhukipun dèrèng patos kathah dados alas ingkang wonten taksih wiyar saéngga boten ketingal wonten perkawis ingkang langkung temenan.

Fauna[besut | besut sumber]

Wonten ing kepuloan Kai ingkang minangka pulo urut kaping kalih paling ageng ing laladan kepuloan ing sakitering Laut Banda, gadhah 18 spésies manuk sebaran ingkang kawates, saha sekawan saking wolulas jinis manuk ingkang wonten inggih manuk endemik Kai, kalebet manuk Kacamata Kai utawi ingkang gadhah nama latin 'Zosterops grayi ingkang kalebet manuk endemik Kai Kecil saha manuk Kacamata Tual utawi ingkang gadhah nama latin Zosterops uropygialis]], ingkang kalebet manuk endemik Kai Besar saha Tual.[2] Ing kapuloan Kai dèrèng wonten babar pisan kawasan knservasi alas saéngga ndadosaken alas-alas ing kapuloan Kai taksih gampil dipun jarah. Ananging sk punika pihak PHPA saha BirdLife-IP saweg ngawontenaken survey ing Kapuloan Kai ingkang badhé dipun upayakaken saged dipun damel kawasan konservsi ing Kai Besar kanthi ambanipun lahan kirang langkung 145.00 hèktar.

Basa[besut | besut sumber]

Ing Kapuloan Kai masarakat ngginakaken tigang basa rumpun Austronesia. Basa-basa kasebat inggih punika Basa Kai (Veveu Evav) ingkang dipun-ginakaken déning sapérangan ageng masarakat Kapuloan Kai, inggih punika dipun-ginakaken wonten ing 207 désa ing Kei Kecil, Kei Besar, lan pulo-pulo sakiteripun. Ingkang kaping kalih inggih punika Basa Kur (Veveu Wadan) ingkang dipun-ginakaken déning masarakat désa Banda Eli (Wadan El) lan Banda-Elat (Wadan Elat) ing sisih kilen lan timur laut Pulo Kei Besar. Ingkang kaping tiga inggih punika Basa Banda ingkang asalipun saking Kapuloan Banda. Ananging basa kasebat sampun boten dipun-ginakaken malih.

Uga delengen[besut | besut sumber]

Cathetan suku[besut | besut sumber]

  1. ^ [1] Kepulauan Kai, Maluku, Maluku, Indonésia (dipunundhuh tanggal 4 Januari 2013)
  2. ^ [2] Kepulauan di Laut Banda (dipunundhuh tanggal 4 Januari 2013)