Kali Mahakam

Kali Mahakam
Kapernah
Kahanan fisik
Pungkasané	Selat Makassar
Dawané	920 km

Kreteg Mahakam

Kali Mahakam iku minangka kali kang gedhé dhéwé ing Provinsi Kalimantan Timur kang duwé muara ing Selat Makassar. Kali kanthi ukuran dawa watara 920 km iki ngliwati wewengkon Kabupatèn Kutai Barat ing sisih hulu, nganti Kabupatèn Kutai Kartanegara lan Kutha Samarinda ing pérangan hilir.

Kali Mahakam wiwit jaman biyèn nganti saiki nduwé peran wigati kanggo masarakat ing saubengé minangka sumber banyu, papan kanggo misaya iwak lan minangka prasarana transportasi.

Anak kali

Aktivitas ing Kali Mahakam kang isih dadi prasarana transportasi utama ing Kalimantan Timur

Sungai Mahakam nduwé sawatara anak kali, yaiku:

• Kali Belayan
• Kali Lawa
• Kali Kedang Kepala
• Kali Telen
• Kali Tenggarong

Fauna

Ing kali Mahakam iki misuwur anané sato kéwan langka yaiku Pesut Mahakam. Ora kaya mamalia banyu liyané yaiku lumba-lumba lan iwak paus kang urip ing sagara, pesut (Orcaella brevirostris) iku urip ing kali-kali tlatah tropis. Populasi satwa langka kang dilindungi déning Undhang-Undhang iki mung ana ing telu lokasi ing donya yaiku Kali Mahakam, Kali Mekong, lan Kali Irawady.. Uga akèh tinemu jinis-jinis manuk kang urip ing tlatah rawa saubengé kali iki antarané: Chlidonias hybridus lan Sterna albifrons (kaloroné sajinis manuk camar), bango (heron) lan manuk bango thonthong migran saka Pulo Jawa, Leptoptilus javanicus..

Deleng uga

• Pesut

Pranala njaba

• Situs web Kutha Samarinda Archived 2009-05-20 at the Wayback Machine.