Tuk

Saka Wikipédia Jawa, bauwarna bébas abasa Jawa
Tuk umbul, banyune muncar ing sak ndhuwure lemah

Tuk ya iku sawijining titik kang ing papan iku muncar banyu saka sakjeroning lemah, kang duwé teges uga ing papan iku dhuwure simpenyan banyu lemah (akuifer) ketemu njabaning lemah. Anane tuk bisa mung sawetara (intermiten) umpane mung ana nalika mangsa rendheng lan ora metu garing ing mangsa ketiga, bisa uga terus-terusan ngetokake banyu sanajan pas mangsa ketiga dawa (perennial).

Tuk umbul[besut | besut sumber]

Lumrahé banyu lemah sinimpen ing sajerone lemah lan bisane metu amarga dikedhuk wujud sumur, blumbang, utawa ing ledhokan kaya ta belik lan kali. Nanging ing papan-papan tinamtu, uga ana tuk kang bisa muncar nganti mubal saka jero lemah. Kahanan kaya iki amarga ing papan kono dhuwure banyu lemah luwih dhuwur tinimbang lemahe, sahengga nalika ana bolongan kanggo metune banyu, mula katon dadi kaya banyu kang mumbul saka sakjeroning lemah.