Kacilakan Sukhoi Superjet 100 ing Gunung Salak

Saka Wikipédia, bauwarna bébas basa Jawa
Gambar montor mabur sing tiba iku

Tragedi kacilakan montor mabur Sukhoi Superjet 100 (SSJ-100) kadadéyan ing tanggal 9 Mei 2012 nalika pesawat iki ilang saka kelir radar sawisé lepas landhas saka Papan Anggegana Halim Perdanakusuma Jakarta Wétan. Ing tanggal 10 Mei, bathang pesawat SSJ-100 wis ditemokaké ing iringing Gunung Salak ing watesé Kabupatèn Bogor lan Sukabumi. Déné ambané rongsokan pesawat iki nyebar awit nabrak gunung, tim SAR nyimpulaké manawa pesawat iki langsung nabrak sisih karang gunung lan manawa "ora bakal ana sing isih bisa urip."

Latar wuri[besut | besut sumber]

Montor mabur[besut | besut sumber]

Montor mabur sing apes iki jinisé Sukhoi SSJ-100-95 lan nomer régistrasiné RA-97004, msn 95004. Pesawat iki digawé ing taun 2009 lan gunggungé olèhé mabur wis luwih saka 800 jam nalika ilang. SSJ-100 iku prodhuksi kapisan pesawat sipil Rusia sabubaré Uni Sovyèt.

Tur démonstrasi[besut | besut sumber]

Pesawat sing apes iki lagi nglakoni tur ajeneng "Sugeng rawuh ing Asia!" sing ngliwati Asia Tengah lan Asia Kidul-Wétan. Sadurungé montor mabur iki wis singgah ing Kazakhstan, Pakistan lan Myanmar. Rencanané sawisé saka Indonésia sajatiné bakal menyang Laos lan Viètnam. Nalika kacilakan iki kedadéyan, Sukhoi olèh pesenan 42 wiji jinis iki saka Indonésia, lan gunggungé ana 170 wiji. Sukhoi rencana arep mrodhuksi nganti tekan 1.000 pesawat.

Gunung Salak[besut | besut sumber]

Pemandhangan Gunung Salak saka Kutha Bogor.
Artikel utama Gunung Salak

Ing sepuluh taun antara 2002 lan 2012 ing tlatah Gunung Salak ana 7 kacilakan montor mabur. Ora suwé sadurungé SSJ-100 tiba, ana wong telu tiwas nalika latihan mabur ing kono; banjur ing taun 2008 ana 18 wong tiwas nalika pesawaté Angkatan Udara RI tiba ing kono; ana wong lima tiwas ing Juni 2004, loro ing April 2004, pitu ing Oktober 2003 lan siji ing Oktober 2002.[1][2]

Koran Indonésia The Jakarta Post ngarani Gunung Salak "Kuburané montor mabur" (Inggris an airplane graveyard).[2] Tingkat turbulènsi sing dhuwur lan kondhisi cuaca sing cepet owah iku dadi faktor tambahan genéya akèh kacilakan montor mabur ing laladan iki.[2]

Kacilakan[besut | besut sumber]

Ing pukul 14:00 WIB, SSJ-100 tinggal landhas saka Papan Anggegana Halim Perdanakusuma kanggo mamèraké dayané mabur. Rencanané ora suwé manèh arep bali. Pamaburan iki sing kapindho kalaksanan dina iku. Sing mèlu numpak ana 6 awak pesawat, 2 wakil saka Sukhoi lan 37 penumpang. Antarané para penumpang ana wakil-wakil saka perusahaan Aviastar Mandiri, Batavia Air, Pelita Air Service lan Sriwijaya Air. Ing pukul 15:30 WIB para awak nyuwun idin supaya parenga medhun 6.000 kaki (1.800 m) lan panyuwuné katulusan. Pasuwunan iki kontak pungkasan karo Pangawas Lalu Lintas Udara. Nalika iku pesawaté wis ana ing sakiwa-tengené 139 km sakidulé Jakarta, cedhak Gunung Salak sing dhuwuré 2.211 mèter. Gunung iki luwih dhuwur tinimbang lèvel mabur sing disuwun.

Papan tibané montor mabur ing Jawa Kulon[besut | besut sumber]

Mèh saknalika pesawat iki langsung digolèki, nanging nalika wis wektu wengi banjur dipungkasi. Ing tanggal 10 Mei pukul 9:00 ésuk, bathangé pesawat wis ditemokaké ing èrènging Gunung Salak. Sing dimangertèni namung manawa pesawat iki mabur mèlu domé jam menyang Jakarta sadurungé nabrak gunung. Laporan sementara nudhuhaké manawa pesawat nabrak ujungé jurang ing kadhuwuran 1.910 mèter.

Lemah lan udara papan iki banjur langsung disisir. Nanging nalika wayah wengi teka. Kudu dipungkasi. Sing dimangertêni namung yên peswaté nyoba bali menyang Jakarta lan arahé nglawan dom jam lan nabrak Gunung Salak..

Para korban[besut | besut sumber]

Warganagara Panumpang Kru Gunggung
Flag of Indonésia Indonésia 34 0 34[3]
Flag of Russia Rusia 0 8 8[3]
Flag of the United States Amérika Sarékat 1 0 1[4]
Flag of Italia Italia 1 0 1
Flag of Prancis Prancis 1 0 1
Gunggung 37 8 45[3]

Para panumpang akèhé wartawan lan klièn prospèktif. Saka 45 wong ing pesawat, 14 antarané iku saka maskapé Indonésia Sky Aviation lan telung reporter saka TransTV; Ismie lan Aditya Sukardi serta saka Bloomberg News ; Femi Adi. Banjur ing antara para korban Peter Adler ndarbèni kabangsan Amérika Sarékat. Kepala Sukhoi bagéan sipil, Vladimir Prisyazhnyuk, celathu manawa ana wong Italia loro lan wong Prancis siji sajroning pesawat.

Invèstigasi[besut | besut sumber]

Sadina sawisé pesawat tiba, Perdana Menteri Rusia Dmitry Medvedev ngedegaké komisi kanggo nginvèstigasi sabab karananing kacilakan iki. Komisi iki dikepalani déning Menteri Industri lan Perdagangan Yury Slyusar. Miturut Komisi Transportasi Nasional Indonésia sing invèstigasi kacilakan-kacilakan montor mabur sipil, analisis pesawat tiba iki bisa mbutuhaké wektu 12 sasi.

Dmitry Rogozin, wakil presiden démisionèr Rusia, celathu manawa "opini para pakar utama mèwèhi kesan yèn tèknologi bisa lumaku sacara apik lan mbokmanawa faktor manungsa sing salah". Dhèwèké uga ngandharaké manawa kabèh téori iku saiki namung spékulasi waé lan kasimpulan pungkasan isih kudu dirumusaké déning para penyidhik. Ronny Rosnadi, sawijining juru anggegana Indonésia, gumun genéya awak montor mabur nyuwun supaya bisa medhun sangisoré MOCA (minimum obstacle clearance altitude) utawa kadhuwuran minimum tanpa pangalang. Ing sisih liya, Anatoly Knyshov, sawijining juru anggegana tès Rusia nyatakaké yèn mbokmanawa ana masalah karo sistém pèngetan pesawat.

David Learmount, sawijining panulis ngenani perkara kadirgantaran, celathu manawa pamaburan iki sing sifaté démonstrasi joy flight bisa waé nyebabaké awak montor mabur meksa ngepolaké kemampuan pesawat nganti maksimal.

Dampak pasca tragèdi[besut | besut sumber]

Aeroflot (6) lan ArmAvia (2), rong operator SSJ-100 nalika musibah pesawat iki, ora mandegaké panganggoan operasional montor mabur jinis iki.

Réferènsi[besut | besut sumber]

  1. ^ Shirokov, Andrey (10 May 2012). "В районе индонезийской горы Салак за последние 10 лет произошло уже 7 авиакатастроф" [There has been seven crashes in the area of Indonésia's Mount Salak in the last 10 years] (in Russian). Itar-tass.com. Information Telegraph Agency of Russia. Retrieved 13 May 2012. 
  2. ^ a b c Mt. Salak: An airplane graveyard thejakartapost.com
  3. ^ a b c "Latest List Shows 45 People Aboard Crashed Sukhoi Jet". The Jakarta Globe (TheJakartalobe.com). 10 May 2012. Retrieved 10 May 2012. 
  4. ^ "Sriwijaya Air: Peter Adler Bukan Karyawan, Hanya Konsultan". Detik News (Detik.com). 10 May 2012. Retrieved 10 May 2012.