Kacamata

Saka Wikipédia Jawa, bauwarna mardika basa Jawa
Kacamata

Kacamata ya iku lensa tipis kang gunané kanggo normalaké mripat supaya bisa ngingeti kanthi cetha.[1] Kacamata ana rangkané.[1] Rangka gunané panggonan kanggo nempléké lensa.[1] Rangka kacamata diarani frame.[1] Saliyané dadi piranti kanggo mbiyantu pandelengan, kacamata uga dadi piranti kanggo gaya utawa modhél gaya.[1] Kacamata uga kena kanggo nikmati panglipur.[1] Kacamata kang kanggo nikmati panglipur iki kaya ta kacamata tiga dhimensi kanggo ndeleng filem tiga dhimènsi.[1]

Sajarah[besut | besut sumber]

Kacamata wis ana wiwit jaman Néro, dhèwèké iku kaisar Roma.[2] Nero nguwasai papréntahan taun 54 nganti 68 Masehi.[2] Néro nggunakaké watu permata cekung kanggo maca lan ndeleng pertunjukkan, sanajan ora ana sing ngerti Nero nduwéni masalah karo mripaté.[2]

Bangsa Cina kang sepisanan nggunakaké kacamata kaya sing dianggo saiki.[2] Lumrahé kacamata iku digawé saka lensa kang dhapuré oval kang amba.[2] Kacamata uga ana kang digawé saka kristal watu lan rangka saka tempurung kura-kura.[2] Supaya bisa nyekel kaca utawa lensané, bangsa Cina nggunakaké kawat kang diwénéhi pemberat lan dicantolaké ing kuping lan lensan ditaléni ing topi utawa dicantolaké ing pelipis.[2] Bangsa Cina wektu iku nggunakaké kacamata mung kanggo jimat supaya bisa duwé berkah utawa rejeki.[2] Saliyané iki kacamata uga dianggo supaya katon luwih nduwéni wibawa.[2] Nalika semana bangsa Cina kadang-kandang mung migunakaké rangka kacamata kang ora ana lensané.[2]

Cathetan suku[besut | besut sumber]

  1. a b c d e f g ["Sajarah Kacamata">Wulffson, Don M.H: " Kisah-Kisah Menarik Di Balik Penemuan Benda-Benda Biyasa Dalam Kehidupan Sehari-Hari", halaman 100. Penerbit Arena, 2000. ISBN 979-6695-13-5 ]
  2. a b c d e f g h i j antiquespectacles.com(dipunundhuh tanggal 9 Juni 2011)