Jennifer Dunn
| Jennifer Dunn | |
|---|---|
 | |
| Pakaryan | aktris, model |
| Taun aktif | 2004-saiki |
Jennifer Dunn (lair 10 Oktober 1989; umur 35 taun) juru main sinétron kang kondhang uga karo jeneng Jennifer, Dhèwèké bintang iklan lan juru main sinétron saka Jakarta.[1] Dhèwèké dikenal déning masarakat liwat sinétron DIA lan DAN dilanjutaké karo sinétron sukses ATAS NAMA CINTA.[1]
Jennifer ning pangalaman karieré tau kesandung kasus narkoba, ning mobil kang dhèwèké tumpangi tinemu barang bukti wujud sak linting ganja.[1] Akibat kasus taun 2005 iku, aktris kang remen karo tatto iku kudu ngaso anggoné nyambut gawé ning dunya hiburan pertelevisian.[1]
Jennifer daiki wis aktif manèh anggoné main akting, lan jenengé akèh mbintangi filem-filem remaja.[1] Nanging, wajahé wiwit jarang katon ning acara-acara televisi.[1]
Ora suwé dingerteni, manawa artis kang mbintang sinétron KUTUKAN CINTA lan MALIN KUNDANG iki ditangkap pulisi amarga positif ngonsumsi narkoba manèh.[1] Jennifer ditangkap kala lagi nan ning kosé kang uga papan kosé aktor Vicky Nitinegoro.[1] Sawisé dipriksa, Jennifer kabukti positif ngonsumsi zat psikotropika, nanging kasil saka pameriksaan uyuhé Vicky dilaporaké négatif.[1]
Sidang kang kaping pisanan Jennifer ditindakaké ning awal taun 2010, tanggal 21 Januari.[1] Ning sidang pisanan iki, dhèwèké diancam tuntutan kunjara patang taun nganti palilng suwi 15 taun kunjara.[1]
Awal sasi Fèbruari taun 2010, Jennifer, dikabaraké duwé gayutan kang spesial karo pangacarané, Sunan Kalijaga, kang wus duwé anak lan bojo.[1] Malah dhèwèké wus wani ngambung Sunan Kalijaga ning ngarep kodhak.[1] Nanging Sunan adegan iku ora sengaja, amarga Jenifer kepleset.[1] Jenifer dhéwé ora mbantah rasa sayang kang diduwèni marang pangacarané.[1]
Sidang kang kaping loroné dilaksananké nalika tanggal 29 Maret taun 2011, Dhèwèké disidang ning Pangadilan Negeri Jakarta Barat.[2] Kasil saka sidang iku, Jenifer tetep dianggep salah, lan dituntut 6 taun kunjara lan mbayar denda 150 yuta.[2] Dhèwèké dinilai salah amarga ora duwé hak nyimpen lan duwé barang psikotropika jinis siji kaya ta pasal 62 Undang-undang No. 52 babagan Psikotropik.[2]