Jembut landa
| Rambusa | |
|---|---|
| |
| Bunga rambusa, Palabuan Ratu, Jawa Barat | |
| Klasifikasi ngèlmiah | |
| Karajan: | Plantae |
| Dhivisi: | Magnoliophyta |
| Klas: | Magnoliopsida |
| Ordho: | Malpighiales |
| Famili: | Passifloraceae |
| Génus: | Passiflora |
| Spésies: | P. foetida |
| Jeneng binomial | |
| Passiflora foetida Linne | |
| Sinonim | |
| Dysosmia ciliata M.Roem. Dysosmia fluminensis M.Roem. Dysosmia foetida (L.) M.Roem. Dysosmia gossypifolia (Desv. ex Ham.) M.Roem. Dysosmia hastata (Bertol.) M.Roem. Dysosmia hibiscifolia (Lam.) M.Roem. Dysosmia nigelliflora (Hook.)M.Roem. Granadilla foetida (L.) Gaertn. Passiflora baraquiniana Lem. Passiflora ciliata Dryand. | |
Jembut landa, senthiet utawi rambusa nama ilmiahipun Passiflora foetida inggih punika tasih kulawarga markisah (Passifloraceae). Sekaripun wonten 3 warni-warni benang sarinipun. Wonten ingkang pethak, ungu, saha jambon. Sekaripun namung megar mboten ngantos setengah dinten, kinten2 jam 10.00 an sampun mingkup malih. Taneman punika ugi dipunwastani anggur hutan, conthoman, seletupan, nyomlang. Dipun wastani jembut landa bokmanawi saking warninipun kelopak tambahan (epikalik) ingkang mboten rontok nalika kembang sampun rontok, malah nutupi woh, ugi sareng sampun dalu wohipun epikalik wau dados warni kuning. Mbokmenawi niku katingal kados rambut pirang Welandi (Landa) wonten ing netranipun piyantun Jawa jaman rumiyin.
Wohipun ingkang sampun kuning raosipun manis radi kecut dipunremeni lare alit, peksi trothokan saha kuthilang. Pucuk taneman ingkang tasih enem saged kanggé sayuran. Tugelan ranting wetawis 25 cm kathahipun satekem dipunrendhem sedalu saged kanggé gantos detergent kanggé ngumbahi rasukan kinten-kinten 3 potong. Ingkang sekar warni pethak niku kathah wonten ing pantai 'selatan' Jawa, ing antawisipun ing Srandhakan (Bantul), Bugel saha Congot (Kulon Praga), saha Pantai Ambal (Kebumen). Ugi wonten tlatah Brebes, wonten kanan kering pategilan brambang nanging mboten kathah.
