Jefri Al Buchori

Saka Wikipédia, bauwarna bébas basa Jawa
Jeffry Al-Buchori
Jeffry Al Buchori
Lair 12 April 1973 (umur 43)
Flag of Indonesia.svg Jakarta
Kabangsan Indonesia
Jeneng liya Uje
Pagawéyan Penceramah, penyanyi salawat
Agama Islam
Garwa Pipik Dian Irawati
Anak Adiba Khanza Az-Zahra
Mohammad Abidzar Al-Ghifari
Ayla Azuhro
Wong tuwa H. Ismail Modal
Dra. Hj. Tatu Mulyana]]

Jeffry Al Buchori nduweni jeneng kondhang Uje, iku sawijining pendakwah utawa ustad kang tampil kanthi basa dakwah nganggo basa bocah nom, saéngga kerep diundhang ustad gaul. Uje uga kerep dakwah nganggo tembang-tembang Islami.[1]

Kulawarga[besut | besut sumber]

Uje ya iku garwa saka Pipik Dian Irawati kang saiki ngrembakakake usaha butik. Uje katemu Pipik Dian Irawati, sawijining modhel gadhis sampul majalah Aneka taun 1995 saka Semarang, Jawa Tengah. Nalika iku, Uje isih dadi penganggo narkoba, nanging ora ngalangi Pipik kang sedya dikawini kanthi siri tanggal 7 September 1999.[2]

Anak-anake ya iku Adiba Khanza Az-Zahra, Mohammad Abidzar Al-Ghifari, lan Ayla Azuhro.[3]

Lair[besut | besut sumber]

Jeffry Al Buchori lair ing Jakarta, 12 April 1973. Jefri anak ketelu saka limang sedulur pasangan Alm.H. Ismail Modal lan Ustz Dra. Hj. Tatu Mulyana.[4]

Pendhidhikan[besut | besut sumber]

Uje sakawit cilik wis entuk pendhidhikan Islam kang kuat. Bab iki kabuktèn nalika lungguh ing SD kelas 3-5 entuk prestasi MTQ (Musabaqah Tilawatil Qur’an) tekan tingkat provinsi. Sakwise lulus SD, bareng kakange sakloron, Alm. Ust. H. Abdullah Riyad lan Ust. H. Aswan Faisal, sekolah ing Pondok Pesantren Daar el-Qolam Gintung, Jayanti Tangerang.[4]

Sasuwene ing pesantren, Uje kagolong nakal. Nalika kanca-kancane shalat, dheweke meneng-meneng turu utawa minggat saka pesantren kanggo dolan lan nonton ing bioskop. Pungkasane Uje ditokake saka pesantren kasebut kang wis 4 taun dilakoni saka 6 taun kang kudu dilakoni. Sakwise iku, Uje dipindahake ing Madrasah Aliyah (MA, setingkat SMA) nanging nakale malah sansaya tambah.[5]

Apamaneh sawise lulus taun 1990 lan kuliah ing akademi broadcasting, kenakalane Uje ora suda. Dheweke kekancan karo penganggo narkoba lan kerep dugem. Pungkasane Uje ora ngrampungi kuliahe. Taun 1991, Uje nate dadi dancer ing sawijining club. Uje uga kerep nongkrong ing Institut Kesenian Jakarta. Nalika para pemain sinetron lagi latiyan, kadhang-kadhang Uje ngganteni salah sijine. Dheweke melu casting lan entuk peran. Salah sijine sinetron kang tau dibintangi ya iku Pendekar Halilintar. Uje uga tau dinobatake dadi pemeran priya paling apik jroning Sepekan Sinetron Remaja kang dianakake TVRI taun 1991.[6]

Sedulur[besut | besut sumber]

Ust Jefri nduweni kakang sing pembarep ya iku Alm. Ust. H. Abdullah Riyad, keloro Ust. H. Aswan Faisal, adi kepapat H. Decky Fajar, lan kelima Ustz Hj. Nona.[2]

Tilar donya[besut | besut sumber]

Jefry al Buchori tilar donya tanggal 26 Juni 2013 amarga kacilakan montor.

Cathetan suku[besut | besut sumber]

  1. ^ (id)vanmovic.com Jeffry Al Buchori (diaksés tanggal 6 Agustus 2011)
  2. ^ a b (id)biografi.rumus.web.id Jeffry Al Buchori (diaksés tanggal 6 Agustus 2011)
  3. ^ (id)selebriti.kapanlagi.com Jeffry Al Buchori (diaksés tanggal 6 Agustus 2011)
  4. ^ a b (id)gadogadomusik.com Jeffry Al Buchori (diaksés tanggal 6 Agustus 2011)
  5. ^ (id)www.beritaselebriti.com Jeffry Al Buchori (diaksés tanggal 6 Agustus 2011)
  6. ^ (id)scriptintermedia.com Jeffry Al Buchori (diaksés tanggal 6 Agustus 2011)
Sumber artikel punika saking kaca situs web: "https://jv.wikipedia.org/w/index.php?title=Jefri_Al_Buchori&oldid=985762"