Jamie Aditya

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Jamie Aditya
Jamie aditya 004.jpg
LairJames Adityawarman Graham
Pakaryanaktor, presenter, penyanyi
Taun aktif1995-saiki
Wong tuwaStuart Graham dan Natalie Widyanti

Jamie Aditya utawa James Adityawarman Graham lair wonten ing Canberra, taun 1970.[1] Jamie Aditya punika salah satunggaling presenter saha musikus ingkang namanipun misuwur minangka VJ ing MTV Asia saha MTV Indonésia nalika taun 1990-an.[1] Jamie Aditya mandheg dados VJ MTV nalika taun 2001 amargi kedah ngancani ibunipun wonten griya sakit.[2] Sasampun mandheg boten dados VJ malih, Jamie Aditya lajeng pindah wonten Australia.[2] Nalika taun 2000, Jamie Aditya kapilih dados Presenter Hiburan Terbaik ing Asian TV Awards.[2] Jamie Aditya pikantuk nominasi wonten kategori ingkang sami nalika taun 2003.[2] Wiwit taun 2004 ngantos 2005 Jamie dados presenter ing acara Sync or Swim ingkang dipunwedalaken kaliyan Discovery Channel.[2] Taun 2005, Jamie wangsul malih wonten kutha Jakarta.[2] Nalika wangsul Jamie Aditya sesarengan kaliyan garwa saha putranipun.[2] Sasampunipun wonten Jakarta, Jamie lajeng makarya wonten jagading musik Indonésia.[2] Nalika taun 2007, Jamie Aditya dados juri acara pencarian bakat Indonesian Idol kanggé mangsa tayang ingkang kaping sekawan.[2] Kajawi punika Jamie ugi nyiapaken album solo ingkang gadhah nuansa soul.[2] Jamie Aditya ugi mbiyantu ndamel album grup musik indie saking Bandung kados ta Rock N Roll Mafia.[2] Wonten ing mriki, Jamie Aditya dados vokalis tamu wonten lagu The S.I.G.I.T kanthi dados backing vokal.[2]

Cathetan suku[besut | besut sumber]

  1. a b movietei.com(dipunundhuh tanggal 13 September 2011)
  2. a b c d e f g h i j k l selebriti.kapanlagi.com(dipunundhuh tanggal 13 September 2011)