Hujan Bulan Juni (filem)

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian

Filem Hujan Bulan Juni yaiku film Indonésia kang genrené drama romantis kang digarap déning sutradara Reni Nurcahyo Hestu Saputra[1]. Film iki asil adaptasi saka novel legendaris kang judulé padha, karyané Sapardi Djoko Darmono. Sadurungé didadékaké filem, hujan bulan juni luwih dhisik didadékaké lagu, komik, lan novel. Film iki tayang ing tanggal 2 November 2017 ana ing kabèh bioskop Indonésia. Filem Hujan bulan Juni diperanaké déning Velove Vexia minangka Pingkan lan Adipati Dolken minangka Sarwono. Koutaro Kakimoto lan Baim Wong. Liyane yaiku Ira Wibowo, Surya Saputra, lan Sapardi Djoko Darmono[2].

Paraga[besut | besut sumber]

  1. Velove Vexia minangka Pingkan.
  2. Adipati Dolken minangka Sarwono.
  3. Baim Wong minangka Benny.
  4. Koutaro Kakimoto minangka Katsuo.
  5. Surya Saputra minangka Tumbelaka.
  6. Ira Wibowo minangka Tante Heni.
  7. Sapardi Djoko Darmono minangka Bapake Sarwono.


Sinopsis[besut | besut sumber]

Filem iki nyritakaké kisah Pingkan yaiku dosèn enom Sastra Jepang Universitas Indonesia. Pingkan iku wanita campuran Manado lan Jawa[3]. Dhèwèké duwé sipat bungahan. Pingkan duwé kekasih jenengé Sarwono. Kekasihé uga dosèn. Pingkan oleh kesempatan sinau ing Jepang sasuwéné 2 taun. Kancané Pingkan yaiku Katsuo ngudi nggawa Pingkan ngoléhké béasiswa menyang Jepang. Sarwono ngrasa susah amarga arep ditinggal Pingkan kang ora tau pisah saka sandhingé. Sadurungé Pingkan lunga menyang Jepang, Sarwono njaluk tulung Pingkan dadi guide sasuwéné ana ing Manado. Sarwono duwé tugas presentasi kerja bareng neng Universitas Sam Ratulangi. Ing kana, Pingkan ketemu karo kulawarga gedhené almarhum bapaké. Dhèwèké wiwit dipojokaké pitakonan hubungané karo Sarwono amarga kekasihé iku wong Sala dudu Manado. Adate wong Manado iku luwih apik nikah padha wong Manado.

Bab kang Mligi[besut | besut sumber]

Ing filem hujan bulan juni ana sangang geguritan legendaris ciptaan Sapardi kang diucapaké déning Adipati Dolken lan Velove Vexia kaya "hujan bulan juni" lan "aku ingin". Ora mung dadi penulis puisi iku, Sapardi uga mélu akting dadi bapaké Sarwono. Filem iki uga nyuguhaké unsur lucuné kang diperané déning Baim Wong. Sarta, ana pamain saka Jepang kang nggawé dalan critaé luwih apik lan unsur budaya sing béda bisa krasa luwih jero.

Panggonan ing film[besut | besut sumber]

Panggonan kang digawé ing filem hujan bulan juni ana telu yaiku Manado, Jakarta lan Jepang. Ora mung kutha gedhené kang ditampilaké. Panggonan ing Manado, Sulawesi Utara sing apik kayata Bukit Kelong Tomohon, Danau Linow, Bukit Kasih Kanonang patung Tuhan Yesus ing Citra Land uga Pantai Likupang uga ditampilaké.

Proses gawe filem[besut | besut sumber]

Sutradara Hestu Saputra garap filem hujan bulan juni rada abot. Dhèwèké kudu mertal puisi-puisi lan novel karyané Sapardi Djoko Darmono kang misuwur banget dadi sajian filem sing nyenengaké. Naskah filem ditulis déning Titien Wattimena. Penggarapan naskah rampung sasuwéné setahun. Sadurungé proses syuting, sutradara ngongkon Velove lan Adipati sinau lan maca dhisik puisi karya Sapardi. Nalika maca naskah filem, saben dina Adipati dikongkon gawé geguritan supaya karakter sing diperanaké luwih krasa nganti jero ati. Syuting digarap sasuwéné sewulan. Njupuk gambar dilakoni seminggu ing Jepang, pitulas dina ing Manado, lan sisané ana ing Jakarta.

Alangan[besut | besut sumber]

Peran Velove karo Koutaro ing filem hujan bulan juni rada angèl. Dhèwèké kabèh kangèlan mbangun chemistry sing apik amarga basané béda. Karakter kang diperané Koutaro krasa banget yèn basané terbatas. Koutaro déwé asalé saka Jepang ora isa pasèh ngomong basa Indonesia lan Inggris, Velove uga ora pasèh ngomong basa Jepang.[4]

Peran Surya Saputra uga dirasakaké rada angèl. Dhèwèké kudu isa mbangun rasané déwé dadi wong Manado. Dhèwèké ora tau meranaké dadi wong Manado lan wektu kanggo sinau logat lan gayané kana waktuné amung sithik[5].

Referensi[besut | besut sumber]

  1. "Hujan bulan juni tayang mulai hari ini". 2017-11-02. Dijupuk 2019-11-18. 
  2. Jacqueline, Gabriella (2017-10-30). "Review Film: Hujan Bulan Juni dihujani puisi-puisi romantis". Dijupuk 2019-11-18. 
  3. "Alasan Adipati Dolken dan Velove Vexia terpilih di hujan bulan juni". 2017-11-01. Dijupuk 2019-11-18. 
  4. "Musik bikin velove vexia dan koutaro kakimoto tambah akrab". 2017-10-27. Dijupuk 2019-11-19. 
  5. "Jadi pria manado bikin surya saputra tertekan". 2017-10-27. Dijupuk 2019-11-19.