Horologium

Saka Wikipédia Jawa, bauwarna mardika basa Jawa
HOROLOGIUM

Peta Horologium
CekakanHor
GenitifHorologii
Asensio rekta3
Deklinasi−60
Area249 derajad pesagi (#58th)
Lintang utama6
Lintang
Bayer/Flamsteed
10
Lintang
mawa planèt
2
Lintang padhang0
Lintang cedhak1
Lintang paling padhangα Hor (3.85m)
Lintang paling cedhakGJ 1061 ( tc)
Obyèk Messiernone
Udan météor?????
?????
Rasi lintang
sing wewatesan
Eridanus
Hydrus
Reticulum
Dorado
Caelum
Katon antara lintang +30° lan −90°.
Katon paling cetha ing wektu 21.00 jroning sasi December.
'

Horologium inggih punika salah satunggaling jinis rasi lintang ingkang alit lan lemah ingkang mapan wonten ing belahan langit sisih kidul kanthi deklinasi udakawis-60 drajat. Horologium inggih saking basa Latin kanggé paring nama jam.[1]

Sajarah[besut | besut sumber]

Rasi lintang horologium inggih dipundamel sepisanan ing abad kaping wolulas déning Abbé Nicolas Louis de Lacaille,[2] ingkang paring nama asli rasi lintang punika kanthi sebatan Horologium Oscillitorium sasampunipun jam pendulum kanggé ngurmati inventoripun, Christiaan Huygens. Lajeng nama punika dipuncekak dados Horologium.

Lintang-lintang[besut | besut sumber]

Rasi lintang Horologium gadhah laladan ingkang ambanipun kirang langkung 249 drajat persegi lan ngewrat satunggal lintang ingkang dipunmangertosi dados planit-planit. RAsi lintang horologium saged dipuntingali wonten ing garis lintang ing antawisipun +30° lan-90° lan ingkang saé piyambak dipuntingali ing jam 9 dalu ing sasi Dhésèmber. Déné lintang-lintang ingkang dipunmangertosi wonten ing rasi lintang horologium inggih kados makaten:

  • Lintang ingkang padhang piyambak wonten ing rasi lintang Horologium inggih punika alpha Horologii, satunggaling lintang raksasa ingkang tebihipun kirang langkung 177 taun cahya saking bumi.
  • Delta Horologii, inggih punika lintang ingkang padhang piyambak nomer kalih ing rasi lintang horologium, inggih punika satunggaling lintang binar ingkang ngemu sub raksasa masiv warna pethak minangka komponèn ingkang paling pokok. Lintang punika badhé katingal saben wekdal kanthi mripat langsung, nanging manawi nembé wonten ing jarak 175 taun cahya, lintang punika badhé angèl dipuntingali amargi namung wujud titik.
  • Beta Horologi inggih satunggaling lintang garis metalik.
  • R Horologii utawi HD 18242 inggih punika raksasa abrit ingkang tebihipun kirang langkung 1000 taun cahya, variabel Mira kanthi jarak ingkang amba. Magnitudo ingkang minimum inggih punika 14,3 lan magnitudo maksimum inggih 4,7, kanthi periodenipun kirang langkung 13 sasi.[2]

Objek Langit Lebet[besut | besut sumber]

Horologium inggih sanès kanggé griyanipun kathah objek langit pérangan lebet, nanging wonten sapérangan global kluster ing rasi lintang punika. NGC 1261 inggih punika satunggaling globualr kluster kanthi magnitudo 88, kanthi jarak 44.000 taun cahya saking bumi. Globular Kluster AM1 inggih ugi kapanggih wonten ing rasi lintang punika, inggih tebihipun kirang langkung 398.000 taun cahya.

Horologium inggih taksih kalebet wonten ing kulawarga rasi lintang Lacaille, sesarengan kaliyan rasi lintang Norma, Circinus, Telescopium, Microscopium, Sculptor, Fornax, Caelum, Octans, Mensa, Reticulum, Pictor lan Antlia. Rasi lintang sanèsipun ingkang wonten ing sak kiteripun Horologium inggih punika wonten rasi lintang Eridanus, Hydrus, Reticulum, Dorado, lan Caelum.[3]

Cathetan suku[besut | besut sumber]

  1. Smith, William; Leonhard Schmitz (1875). A Dictionary of Greek and Roman Antiquities. London: John Murray. kc. 615‑617.
  2. a b Ridpath & Tirion 2001, kc. 156–157.
  3. Horologium Archived 2012-05-06 at the Wayback Machine. (dipunundhuh tanggal 18 Pebruari 2013)