Hasyim Ning

Saka Wikipédia Jawa, bauwarna mardika basa Jawa
Hasjim Ning

Masagus Nur Muhammad Hasyim Ning utawa Hasyim Ning (lair ing Nipah, Padang, Sumatera Barat, 22 Agustus 1916 – tilar donya Dhésèmber 1995 nalika umur 79 taun) ya iku sawijining pengusaha asal Indonésia.

Pagesangan[besut | besut sumber]

Hasyim ya iku sawijining perantau Minangkabau kang teka ing Jakarta taun 1937. Nanging, rong taun candhaké, dhèwèké wis katunjuk minangka perwakilan NV Velodrome Motorcars ing Tanjung Karang, Lampung. Sawisé iku, dadi pamborong tambang batu bara ing Tanjung Enim taun 1941. Hasyim Ning bali manèh ing Jawa, dadi administratur perkebunan teh lan kina ing Cianjur nalika ana perang. Amarga cita-citane dadi bala (sanajan ora disetujoni wong tuwané), dhèwèké tetep ngangkat gegaman ing Cianjur, Bandung Kidul, taun 1945. Limang taun candhaké, dhèwèké pensiun kanthi pangkat pungkasan letnan kolonel.

Hasyim cilik éntuk pendhidhikan lumayan keras saka wong tuwané. Sawisé sekolah dhèwèké kudu ngaji, karo guru celukan. Saikine dhèwèké nuladha cara iku kanggo ndidik anak-anaké. Pengusaha kang éntuk gelar Dr.H.C. ing Ilmu Manajemen saka Universitas Islam Sumatera Utara iki tau aktif sajeroning pulitik. Taun 1971 dhèwèké njabat Ketua Umum IPKI, banjur mèlu nglairaké fusi PDI. Taun 1978 dhèwèké mundur saka PDI lan ing Pemilu 1982 dhèwèké gabung karo Golkar.

Bisnis[besut | besut sumber]

Sawisé pensiun saka bala kanthi pangkat pungkasan Letnan Kolonel 1951, Hasyim dodolan mobil lan yasa Djakarta Motor Company. Sawisé rong taun, usaha mau ngrembaka dadi usaha perakitan mobil kang pisanan ing Indonésia, Indonésian Service Station. Dhèwèké banjur kondhang minangka pengusaha perakitan mobil, sanajan uga bergerak sajeroning pirang-pirang babagan, kaya ta ekspor-impor, bank, biro perjalanan, pabrik kosmetik, lan konsultan rekayasa kang nyerap ora kurang saka 3.000 karyawan. Saliyané iku dhèwèké dadi anggota dewan komisaris PT Jaya, Daha Motor, Jakarta Motor, Hotèl Kemang, Asuransi Sriwijaya, PACTO, lan Central Commercial Bank.

Taun 1981, dhèwèké ngedol 49% saham Bank Perniagaan Indonésia duwéke marang Mochtar Riady. Wolung taun candhaké bank iki ngganti jeneng dadi Lippo Bank, lan nindakaké merger karo Bank Umum Asia.[1]

Ing wiwitan taun 1984, Hasyim diwawancarai majalah Prancis, Paris Match. Ing kono dhèwèké kandha, bisnis perakitan mobil ing Indonésia ora pati apik amarga saingan karo Jepang. Mobil-mobil kang dirakite pancen gaweyane Éropah lan Amérika. Perusahaan Éropah lan Amérika mèlu birokrasi, déné Jepang langsung manuhaké jinis-jinising mobile. Usahane kang kasil nyebabake Hasyim dipercaya njabat Ketua Umum Kadin periode 1979-1982.

Catatan kaki[besut | besut sumber]

  1. Majalah Tempo, Ini Dia Lippobank, 8 April 1989

Rujukan[besut | besut sumber]