Hanji

Saka Wikipédia Jawa, bauwarna bébas abasa Jawa
Hanji.

Hanji utawa Kertas Koréa (한지;韓紙) ya iku kertas tradisional Koréa kang wis digunakaké kawit 1600 taun.[1][2] Wong Koréa migunakaké hanji kanggo kebutuhan saben dinane lan kebutuhan rumah tangga wiwit saka buku, tembok, cendela, lante, nganti peti mati.[1] Kandane wong Koréa manfaatke Hanji wiwit kawit lair nganti mati.[1]

Mula Bukane[besut | besut sumber]

Kertas tinemu déning sawijining kasim ing taun 105 M (Dinasti Han) kanthi aran Chae Ryun (Tsai Lun).[1][2][3] Sajarah mlebune tèhnik gawé kertas ing Koréa isih durung dingertèni amarga ora dicatet kanthi jelas.[1][2] Nanging tèks sajarah Jepang mratélakaké manawa sawijining biksu (asal kraton Baekje) kanthi aran Tamjing gawa kertas, mangsi, watu mangsi lan watu asah ing Jepang taun 605.[1][4] Saka Koréa banjur tèhnik gawé kertas nyebar tekan Jepang.[1]

Ing abad kaping 11 lan 12, tèhnik gawé kertas ing Koréa wis ngrembaka banget.[4] Pura kraton Goryeo (918-1392)njurung perkembangan gawé kertas lan ketrampilan nyetak saéngga akèh tèks kang nerbitake tulisan ngenani agama Buda, pengobatan lan sajarah.[4] Nalika iku kerajinan kertas diarani Goryeo-ji (kertas Goryeo) lan misuwur ing Cina.[4] Akèh tèks Cina kang nggunggung kecantikan kertas Koréa lan akèh ilmuwan lan bangsawan kang golèk produk kertas Koréa saliyané golèk keramik hijau (cheongja) lan ginseng Koréa.[4]

Uga delengen[besut | besut sumber]

Pranala njaba[besut | besut sumber]

Cathetan suku[besut | besut sumber]

  1. ^ a b c d e f g Fabulous Hanji (Korean Traditional Paper), visitkorea. Diundhuh tanggal 11 Mèi 2010.
  2. ^ a b c Hanji, A Long and Beautiful Tradition, whatsonkorea. Diundhuh tanggal 11 Mèi 2010.
  3. ^ Korean Paper, Koreatimes. Diundhuh tanggal 11 Mèi 2010.
  4. ^ a b c d e History of Hanji, Fides International. Diundhuh tanggal 11 Mèi 2010.