Hanbok

Saka Wikipédia Jawa, bauwarna bébas abasa Jawa
Hanbok kang diagem Raja lan Ratu Min Gojong nalika simulasi pahargyan penganten ing Pura Unhyeongung

Hanbok ya iku sandhangan tradhisional Koréa kang uga diarani sandhangan sang angin.[1]

Garis-garis lan lekukan-lekukane kang alus yèn disawang pancen kaya angin.[1] Wong Koréa asring nganggo tembung baram utawa angin kanggo nggambarake rasa bungah kaya ta nalika wong ketaman asmara.[1] Angin minangka pralambang kamardhikan, tanpa bobot, lan bisa mabur sakarepe dhéwé.[1] Sajatiné,hanbok kasusun saka jeogori (jaket) lan baji (kathok dawa).[2] Iki nuduhake kahanane Scythian Lor. Hanbok kanggo wong wadon béda karo hanbok wong lanang. Hanbok wong wadon iku kasusun saka rok lan ndhuwuran klambi kang memper karo bolero. Hanbok uga padatan diarani chimajeogori, chima tegese rok, lan jeogori tegese jaket. Déné hanbok kanggo wong lanang iku nganggo jaket cendhak lan clana dawa sing diarani baji.

Pérangan hanbok[besut | besut sumber]

Pérangan-bageyane hanbok,ya iku:[1]

  1. Jeogori,ya iku pérangan ndhuwuring hanbok. Jeogori kanggo wong lanang lan wadon iku beda. Kanggo wong lanang ukurane luwih gedhé lan ringkes, déné kanggo wong wadon rada cekak lan ditandhani déning garis lengkung lan dekorasi kang alus.
  2. Deong Jong, ya iku kerah kang wernane putih.
  3. Otgoreum,ya iku pita kang dianggo ing hanbok kanggo wanita kang malang nganti tekan rok (chima).
  4. Chima, ya iku rok kang ana ing hanbok. Jinising chimaiku manéka werna, ana sing tunggal lan ana sing rangkep.
  5. Pola, ya iku gambar utawa garis lan uga campuran werna.

Cathetan suku[besut | besut sumber]

  1. ^ a b c d e Hanbok – Pakaian Sang Angin (dipuntingali 26 Juli 2011)
  2. ^ Hanbok (dipuntingali 26 Juli 2011)