Menyang kontèn

Gunawan Maryanto

Saka Wikipédia Jawa, bauwarna mardika basa Jawa
Gunawan Maryanto

Gunawan Maryanto (lair ing Yogyakarta, 10 April 1976; umur 48 taun) inggih punika salah satunggalipun sastrawan saking Ngayojakarta, Indonesia. Kajawi nyerat, piyambakipun ugi dados juru kritik sastra, sutradara sandhiwara lan juru paraga filem. Gunawan Maryanto punika pangemunah Teater Garasi lan asring ngawontenaken Festival Pamaosan Drama kaliyan Joned Suryatmoko saben taun, ing sapérang kutha. Pakaryanipun awujud geguritan, prosa, lan kritik sastra dipunmot wonten sawenèh ariwarta lan kalawarta ing Indonésia. Gunawan Maryanto sampun nggelar pakaryanipun wonten ing kutha-kutha, kalebet manca nagari, naté nampi hibah seni saking Yayasan Kelola, lan nampi kathah bebungah. Taun 2017, Gunawan Maryanto ditetepaken panampi bebungah minangka Paraga Priya Paling Saé wonten adon-adon Usmar Ismail Award miyos filem asesirah Istirahatlah Kata-tembung kanthi maragani Widji Thukul.[1][2][3][4][5]

Latar wingking

[besut | besut sumber]

Gunawan Maryanto lair ing Ngayojakarta, surya 10 wulan April taun 1976. Piyambakipun punika salah satunggalipun seniman sarwa saget. Kajawi nyerat skénario sandhiwara, dados sutradara sandhiwara, piyambakipun ugi ngasilaken karya sastra antawisipun geguritan, carita cekak, lan kritik sastra ingkang dipunmot wonten sawenèh ariwarta lan kalawarta antawisipun Koran Tempo, Media Indonesia, Kompas, Jawa Pos, Suara Merdeka, Kedaulatan Rakyat, Bernas, BlockNotProse, BlockNotPoetry, On/Off, Jurnal Kolong Budaya, Jurnal Puisi, Jurnal Prosa, Jurnal Cerpen, Jurnal Kalam lan LeBur Theater Quarterly. Sesarengan kaliyan Teater Garasi, Gunawan Maryanto nampi hibah seni saking Yayasan Kelola kanggé proyèk kesenian ingkang naté kalampahaken. Kaprigelanipun ing jagat sastra lan sandhiwara, ndadosaken piyambakipun asring dipunulemi minangka pawicara wonten seminar, pirembagan sastra, gladhèn lan yuri adon-adon.

Pakaryan

[besut | besut sumber]
  • Waktu Batu (lakon sandhiwara, kaserat kaliyan Andri Nur Latif lan Ugoran Prasad, IndonesiaTera 2004)
  • Bon Suwung (kempalan carita cekak, InsistPress 2005, Longlist Khatulitiwa Award 2005)
  • Galigi (kempalan carita cekak, Penerbit Koekoesan 2007, LongList Khatulistiwa Award 2007)
  • Perasaan-perasaan yang Menyusun Sendiri Petualangannya (kempalan geguritan, Omahsore Publisher 2008)
  • Usaha Menjadi Sakti (kempalan carita cekak, Omahsore Publisher 2009, Longlist Khatulistiwa Award 2009)
  • Sejumlah Perkutut buat Bapak (kempalan geguritan, Omahsore Publisher, Peraih Khatulistiwa Award 2010)
  • Perbuatan Serong (kempalan lakon sandhiwara Forum Penulis Lakon Indonesia, Omahsore 2011)
  • The Queen of Pantura (kempalan geguritan, Omah Sore Publisher 2013)
  • Pergi ke Toko Wayang (kempalan carita cekak, Tan Kinira 2015)
  • Monolog Sungai (lakon monolog sesarengan Erythrina Baskoro, 2006)
  • Bunga Lantana (lakon monolog ingkang kapundhut saking Simfoni Pastoral Andre Gide, 2006)
  • Menak Jingga Lena(lakon monolog 2006)
  • Erendira dan Angin Petakanya (kapundhut saking Erendira anggitanipun Gabriel Garcia Marquez, 2007)
  • Ronggeng#1 (lakon monolog, kapundhut saking Ronggeng Dukuh Paruk anggitanipun Ahmad Tohari, 2009)
  • Bocah Bajang (lakon sandhiwara, 2009)
  • Tobong Kosong (lakon sandhiwara, 2010)
  • Ronggeng#2 (lakon monolog, kapundhut saking Ronggeng Dukuh Paruk anggitanipun Ahmad Tohari, 2014)

Minangka sutradara

[besut | besut sumber]
  • Sri (dipunangkat saking Yerma anggitanipun F Garcia Lorca, Yogykarta lan Surakarta,1999)
  • Repertoar Hujan (anggitanipun Gunawan Maryanto, Yogyakarta, Surakarta, Jakarta, Bandung, Surabaya dan Tokyo, 2001—2005)
  • Reh (anggitanipun Bambang Widoyo Sp, Yogyakarta, 2002)
  • Dicong Bak (pakaryan sesarengan kaliyan Tikar Pandan Acèh lan Teater Embassy Belanda, Banda Acèh lan Yogyakarta 2006)
  • Domba-domba Revolusi (anggitanipun B. Sularto, Yogyakarta 2007)
  • The Zoo Story (anggitanipun Edward Albee, Yogyakarta, 2007)
  • Tuk (anggitanipun Bambang Widoyo Sp, Jakarta lan Yogyakarta, 2007-2008)
  • Oidipus di Kolonus (anggitanipun Shopocles, Yogyakarta, 2008)
  • Bocah Bajang (Yogyakarta, 2009)
  • Sesarengan Ki Slamet Gundono nggarap Wayang Air Suluk Air (Banyu, Isun Takon: Apa Sira Duwé Ibu?), Jakarta 2003 lan Suluk Air II; Mbok, Sira Weruh Keong Kumambang (Jakarta International Puppetry Festival 2006)
  • Sesarengan Teater EMWE SMAN 6 Yogyakarta nggarap Tanda Silang (anggitanipun Eugene Oneil, 1995)
  • Lawan Catur (anggitanipun Sir Kenneth William Goodman, 1996)
  • Kisah Cinta Dll (anggitanipunArifin C Noer, 1997)
  • Penagih Hutang (anggitanipun Anton Checkov, 1999)
  • Pakaryan sesarengan kaliyan Eko Nugroho, Catur Kuncoro lan Yennu Ariendra wonten Perseteruan Getah Bening, (Wayang Bocor Project, 2010)
  • This Republic Need More Semeleh (Wayang Bocor Project, 2011)

Bebungah

[besut | besut sumber]

Taun 2004, lumantar geguritanipun, Kupanggil Kau Batu, Gunawan Maryanto pikantuk bebungah saking Sih Award. Salajengipun, piyambakipun ugi nampi bebungah Anugerah Budaya saking Departemen Kabudayan lan Pariwisata kanggé Media Cetak lan Elektronik kategori Geguritan, taun 2007 kanthi pakaryanipun, Jineman Uler Kambang. Namanipun ugi mlebet wonten Cerpen Indonesia Terbaik dan Puisi Indonesia Terbaik Anugerah Sastra Pena Kencana lumantar carita cekak lan geguritanipun, ingkang katampi taun 2008 lan 2009. Kalih taun salajengipun, 2010, Gunawan Maryanto, kanthi buku kempalan geguritanipun sesirahan Sejumlah Perkutut buat Bapak nglantaraken nampi bebungah saking Khatulistiwa Literary Award. Sesarengan Teater Garasi, piyambakipun nampi hibah seni saking Yayasan Kelola kanggé sapérang proyek kesenian ingkang sampun kalampahaken. Lan ing taun 2017, Usmar Ismail Award netepaken namanipun Gunawan Maryanto minangka Paraga Priya Paling Saé, miyos filem ingkang dipunparagani, jejudhul Istirahatlah Kata-tembung, maragani Widji Thukul nalika asring dados buro pamaréntah jalaran dipunanggep nerak angger-angger.

Ugi pirsani

[besut | besut sumber]

Rujukan

[besut | besut sumber]
  1. ↑ Kuala Sastra Khatulistiwa: Para Pemenang Archived 2015-07-07 at the Wayback Machine., kapundhut 9 Mèi 2017
  2. ↑ Yayasan Kelola: Situs resmi Gunawan Maryanto, kapundhut 9 Mèi 2017
  3. ↑ Tempo: Gunawan Maryanto Raih Penghargaan Pemeran Utama Pria UIA 2017, kapundhut 9 Mèi 2017
  4. ↑ Beritagar: Wawancara Gunawan Maryanto; Menyelami Thukul lewat karya Archived 2017-05-07 at the Wayback Machine., kapundhut 9 Mèi 2017
  5. ↑ Jawa Pos: Usai jadi Wiji Tukul, Gunawan Maryanto banjir tawaran main film, kapundhut 9 Mèi 2017
Dijupuk saka "https://jv.wikipedia.org/w/index.php?title=Gunawan_Maryanto&oldid=1667424"