Godi Suwarna

Saka Wikipédia Jawa, bauwarna mardika basa Jawa
Loncat ke navigasi Loncat ke pencarian
Godi Suwarna
Godi Suwarna.jpg
Godi Suwarna
Lair 23 Mèi 1956
Tasikmalaya
Pakarya Guru, Redaktur Surat Kabar Sipatahunan,PNS, Pengarang
Bangsa Indonésia
Gènre Carpon, Sajak, Novèl, Drama,
Bojo Rahmayati Nila Kusumah

Godi Suwarna,Inggih punika salah satunggaling pujangga Sunda, ugi sastrawan Indonésia ingkang taksihproduktip ndamel karya- karya sastra. Godi Suwarna miyos ing Tasikmalaya tanggal 23 Mèi 1956. Lan sak punika piyambakipun dalem wonten ing Ciamis, Jawa Kulon.[1] Godi Suwarna kaping sapisan nyerat sajak saha carpon mawi basa Sunda ing taun 1976 nalika piyambakipun taksih dados mahasiswa ing IKIP Bandung utawi ingkang sak punika dados UPI Bandung. Kajawi remen nyerat, wiwit alit Godi ugi sampun remen sandhiwara. Piyambakipun sampun naté dados aktor, sutradara, ugi nyerat naskah drama, ing antawisipun “Burung-burung Hitam”, “Orang-orang Kelam”, “Gaok-gaok Geblek”, saha “Gor Gar”.[2]
Sasampunipun lulus kuliah, piyambakipun ugi ndhirikaken grup teater sesarengan kaliyan mahasiswa IKIP Bandung. Godi Suwarna ugi sampun naté kepilih dados Sutradara Terbaik Porseni Mahasiswa Tingkat Nasional (1981). Lajeng gabung ing STB (Studi Klub Bandung), sinau teater kaliyan Syatna Anirun. Ing STB, piyambakipun sampun naté pentas “King Lear”, “Sang Naga”, saha “Impian di Tengah Mangsa”. Ing taun 1997 dados sutradara pagelaran puisi Konglomerat Kéré Lauk di Universitas Wollongong, Australia.[3] Godi Suwarna ugi sampun naté dados sutradara pagelaran Burung-Burung Hitam (Godi Suwarna,) Cak Anumerta (Godi Suwarna), Edan (Putu Wijaya) Tengul (Arifin C. Noor), Durmayuda (Godi Suwarna) Bom Waktu (Riantiarno), Pandawa Dadu (Wahyu Wibisana). Ing taun 2005, Godi Suwarna dipunundhang maosaken sajak Sunda kanggé mèngeti dinten Hutan Kayu International Literary Biannele ingkang lajeng dipunkukuhakenipun TUK (Teater Utan Kayu). Ing taun 2006, piyambakipun dipunundhang malih kanggé maos sajak ing adicara “Internetional Poetry Festival” ingkang dipunadani déning DKJ (Dewan Kesenian Jakarta), lajeng maosaken sajak malih ingadicara JILFEST (Jakarta International Literary Festival) ing taun 2008. Lajeng dipunundhang maosaken sajak Sunda malih ing adicara Jakarta Berlin Arts Festival ing Jerman, Juli 2011. Lajeng saking taun 1998, piyambakipun gadhah pamanggih kanggé nggelar adicara “Nyiar Lumar”, inggih punika pagelaran rupa-rupa kesenian Sunda Sapeuting Jeput, wonten ing tabet (alas karamat) Astanagedé, Kawali, patilasan Karajan Galuh.

Asiling Karya[besut | besut sumber]

  • Jagat Alit (1979)
  • Surat-surat Kaliwat (1982)
  • Blues Kéré Lauk (1992)
  • Dongéng Si Ujang (1998)
  • Murang-Maring (1980)
  • Serat Sarwasatwa (1995)
  • Novèl Sandékala (2007)
  • Novèl Jeung Déng (2009)

Penghargaan[besut | besut sumber]

  1. Naskah Novèl Sandékala pikantuk bebungah Sastra Daéng Kanduruan Ardiwinata ing taun 1998.
  2. Naskah Novèl Déng pikantuk Bebungah Sastra Oeton Moehtar taun 2000
  3. Kempalan cerpenipun, kanthi irah-irahan “Murang-Maring” (1980), “Serat Sarwasatwa” (1995), Buku “Blues Kere Lauk” menang bebungah Sastra Rancage (1993)
  4. Sutradara Terbaik PORSENI Jawa Barat (1980),
  5. Sutradara Terbaik PORSENI Nasional (1981),
  6. Buku Kumpulan Puisi Blues Kere Lauk menang bebungah Sastra Rancage (1993),
  7. Cerpen Serat Sarwasastra pikantuk Bebungah Sastra Rancage (1996),
  8. Naskah Novèl Sandekala pikantuk Bebungah Sastra Paguyuban Pasundan (1998),
  9. Novèl Deng pikantuk Bebungah Sastra Oeton Moechtar (2000)

Cathetan suku[besut | besut sumber]

  1. }[1] Penyair Godi Suwarna (dipunundhuh tanggal 23 Januari 2013)
  2. [2] Godi Suwarna (dipunundhuh tanggal 23 Januari 2013)
  3. Suwarna, Godi.2007.Jiwalupat Opat Kumpulan Sajak.Bandung:Geger Sunten