Getsemani

Saka Wikipédia Jawa, bauwarna bébas abasa Jawa
Jump to navigation Jump to search
Getsemani
basa Ibrani: גת שמנים‎, Gat-Šmânim
Taman
Skyline of Getsemani

Getsemani (Yunani: ΓεσΘημανι, Gesthēmani basa Ibrani: גת שמנים‎, Aram גת שמנא, Gat Šmānê) iku sawijining taman ing sikil bukit Zaitun ing Yerusalem, Israèl lan dipercaya minangka papan Yésus sembayang kang pungkasan dhéwé sadurungé kakisas.

Ètimologi[besut | besut sumber]

Tembung Gethsemane mijil ing Injil Matius lan Injil Markus abasa Yunani minangka Γεθσημανἱ (Gethsēmani). Tembung iki asalé saka Assyria ܓܕܣܡ (Gaṯ-Šmāne), kang tegesé “piranti pameres (pangasil) lenga”. Matius 26:32 lan Markus 14:32 nyebutaké χωρἰον (kho-ree'-on) utawa “panggonan”. Injil Yohanes 18:1 nélakaké Yesus mlebu sawijining “taman” κῆπος (kēpos) bebarengan karo murid-murid Dalem.

Panggonan kusus[besut | besut sumber]

Adhedhasar Prajanjian Anyar, Taman Getsemani iku papan ing endi Yésus lan murid-murid Dalem asring sowan, kang nggampangaké Yudas Iskariot kanggo nemu Yésus nalika wengi panyekelan Dalem. Adhedhasar Lukas 22:43-44, ing kana Yésus banget girisé lan saya ngganter enggoné ndedonga. Riwéné nganti kaya getih tumètès ana ing bumi ." Kaanan iki sajeroning donya médhis ditepungi minangka hematidrosis.

Ing saceraké taman iki ana Gréja Kabèh Bangsa utawa ditepungi uga minangka "Gréja Agony", dibangun ing tilas reruntuhan gréja kang dileburaké déning pamaréntahan Sassanids ing taun 614 M lan gréja ing mangsa “Perang Salib” dileburaké nalika taun 1219. Cerak karo panggonan iki ana Gréja Ortodoks Rusia kang jenengé Santa Maria Magdalena kanthi kubah warna emas (Byzantin/gaya Rusia), dibangun déning kakaisaran Rusia Alexander III kanggo ngéling-éling mendhiang ibuné.

Réferènsi[besut | besut sumber]