George Gershwin
| George Gershwin | |
|---|---|
 Foto taun 1937 | |
| Pratélan latar wuri | |
| Jeneng lair | Jacob Gershowitz |
| Saka |  New York City,New York |
| Génre | Teater Broadway, musikal, musik klasik |
| Pakaryan | Komponis |
George Gershwin (lair 26 Sèptèmber 1898 – pati 11 Juli 1937 ing umur 38 taun)[1] inggih punika komponis lan penulis lagu asal Amérikah Sarékat. Sapèrangan ageng saking sadaya karyanipun dipundamel sesarengan kaliyan kangmasipun, panulis lirik Ira Gershwin. George Gershwin nyerat karya musik kanggé téater Broadway lan gedung konsèr musik klasik ing Éropa, lan ugi suksès minangka panulis lagu pop.
Karya musik Gershwin asring dipun-ginakaken minangka musik latar filem layar lébar lan sérial drama televisi. Kajawi punika, sapérangan lagu ciptaan Gershwin dados lagu jazz standar. Penyanyi jazz Ella Fitzgerald kaliyan penulis aransemen Nelson Riddle ngrekam sajumlah lagu ciptaan Gershwin ingkang dipunkemas ing salebeting album Gershwin Songbook (1959). Kajawi punika, taksih kathah musisi lan penyanyi sanès ingkang ngrekam karya-karya Gershwin, antawisipun: John Coltrane, Frank Sinatra, Billie Holiday, Miles Davis, Herbie Hancock, Judy Garland, Nina Simone, John Fahey, lan Sting.
Biografi
[besut | besut sumber]George Gershwin miyos minangka Jacob Gershowitz wonten ing Brooklyn, New York. Tiyang sepuhipun inggih punika imigran keturunan Yahudi saking Ruslan. Bapakipun, Morris (Moishe) Gershowitz asalipun saking St. Petersburg, Ruslan. Sasampunipun dumunung wonten ing Amérikah Sarékat, bapakipun nggantos nama kulawarganipun dados Gershwin. Morris Gershwin palakrama kaliyan imigran asal Ruslan, Rosa Bruskin ingkang miyosaken George.
Wonten ing taun 1916, Gershwin wiwit kerja kanggé parusahan Aeolian lan Standard Music Rolls. Pedamelanipun ngrekam lan nyerat aransemèn kanggé piano roll. Nalika kerja kanggé kekalih parusahan mau, piyambakipun ngasilaken lusinan utawi malah atusan piano roll kanthi migunaken nama asli utawi sesinglon (antawisipun Fred Murtha utawi Bert Wynn). Gershwin ugi ngrekam piano roll ingkang ngemu lagu ciptaanipun nalika kerja kanggé Welte-Mignon. Parusahan mau kerja dhedhasar pesenan saking M. Welte & Sons, Inc. ingkang minangka pancipta lan produsèn pisanan pianola. Kajawi kerja ngrekam piano roll, Gershwin naté tampil minangka juru main piano ing panggung vaudeville ngiringi Nora Bayes lan Louise Dresser.[2]
Wonten ing taun 1924, George lan Ira sesarengan nyerat komèdi musikal Lady Be Good. Lagu-lagu saking komèdi musikal punika samangké kathah ingkang dados lagu jazz standar, kados "Fascinating Rhythm" lan "The Man I Love". Taksih wonten ing taun ingkang sami, Gershwin nyerat komposisi musik klasikipun ingkang pisanan, Rhapsody in Blue kanggé piano lan orkèstra. Aransemèn dipunserat déning Ferde Grofé, déné pertunjukan perdana dipunsamektakaken band Paul Whiteman asal New York. Lagu Rhapsody in Blue samangké dados lagu ciptaan Gershwin ingkang paling kondhang ing jagad.[3]
Karya George lan Ira salajengipun inggih punika musikal kanthi judhul Oh, Kay! (1926), Funny Face (1927), Strike Up the Band (1927 & 1930), lan Girl Crazy (1930) ingkang ngemu lagu kondhang "I Got Rhythm" lan Of Thee I Sing (1931). Komèdi musikal Girl Crazy inggih punika komèdi musikal pisanan ingkang pikantuk Penghargaan Pulitzer. Lagu "I Got Rhythm" dados lagu jazz standar, déné progresi kord wonten ing lagu punika gadhah prabawa ageng wonten ing perkembangan musik jazz. Ewahaning kord kados ingkang wonten "I Got Rhythm" dipunsebut "rhythm changes" lan asring dipunsebut-sebut wonten ing literatur jazz.
Ing wiwitan taun 1937, Gershwin wiwit rumaos asring sakit mustakanipun saéngga ngantos boten saged ningali, lan ngraos piyambakipun asring nggandha karèt kobong. Tanpa wonten ingkang mangertosi, tumor ganas ing polo Gershwin sasmsaya parah. Gershwin dhawah nalika saweg nindakaken ilustrasi musik kanggé filem The Goldwyn Follies ing Hollywood. Usaha nylametaken kanthi operasi siya-siya, Gershwin tilar donya 11 Juli]] 1937 wonten ing yuswa 38 taun.
Komposisi
[besut | besut sumber]Klasik
- Rhapsody in Blue (ukangge piano lan orkestra, 1924)
- Piano Concerto in F (1925)
- An American in Paris (untuk orchestra, 1928)
- Second Rhapsody, judhul asli Rhapsody in Rivets (kanggé piano lan orkestra, 1931)
- Cuban Overture (1932), judhul asli: Rumba
- Variations on "I Got Rhythm" (kanggé piano lan orkestra)
- Porgy and Bess (1935)
- Lullaby (kanggé orkestra, wiwitan dipunserat kanggé kuartet gesek)
Cathetan suku
[besut | besut sumber]- ↑ http://www.biography.com/people/george-gershwin-9309643
- ↑ Slide, Anthony. The Encyclopedia of Vaudeville. Westport, Connecticut, Greenwood Press, 1994. p. 111.
- ↑ http://www.gershwin.com/
- Hyland, William G. George Gershwin: A New Biography Praeger Publishers (2003) ISBN 0-275-98111-8
- Mawer, Deborah (Editor). Cross, Jonathan (Series Editor). The Cambridge Companion to Ravel (Cambridge Companions to Music) Cambridge University Press (2000) ISBN 0-521-64856-4
- Pollack, Howard George Gershwin. His Life and Work University of California Press, 2006, ISBN-13 978-0-520-24864-9
- Jablonski, Edward Gershwin Doubleday (1987) ISBN 0-385-19431-5
- Rimler, Walter A Gershwin Companion Popular Culture (1991) ISBN 1-56075-019-7
Pranala njaba
[besut | besut sumber] |
Wikimedia Commons duwé médhia ngenani George Gershwin. |
- Official Site Situs resmi
- George Gershwin: American Genius Biografi