Gending Sriwijaya

Saka Wikipédia Jawa, bauwarna mardika basa Jawa
Gending Sriwijaya
DisutradaraniHanung Bramantyo
DiprodhuseriDhoni Ramadhan
Dian Permata Purnamasari
Irene Camelyn Sinaga
DibintangiAgus Kuncoro
Sahrul Gunawan
Julia Perez
Mathias Muchus
Slamet Rahardjo
Jajang C. Noer
Hafshary
Dibabar déningPutaar Production
Suwéné
... menit
NagaraIndhonésia Indonésia

Gêndhing Sriwijayah (Ind: Gending Sriwijaya) inggih punika filem drama saking Indonesia ingkang dipunrilis wonten ing taun 2013 kang dipunsutradarani Hanung Bramantyo. Wonten ing filem punika Julia Perez minangka Malini, wanita désa kang gadhah ngèlmu beladiri.[1]

Sinopsis[besut | besut sumber]

Nusantara abad 16, tiga abad sasampunipun Sriwijaya mandhap saking kakuwaosanipun. Wonten karajan-karajan alit ingkang masing karajan saling rebatan kakuwaosan. Kedatuan Bukit Jerai, punika karajan alit kang pangarsanipun Dapunta Hyang Mahawangsa kaliyan garwanipun Ratu Kalimanyang. Panjenenganipun gadhah kalih putra inggih punika Awang Kencana saha Purnama Kelana. Dapunta Hyang ingkang sampun sepuh nemtokaken Purnama Kelana minangka gantos saking piyambakipun. Dapunta ngraos Purnama gadhah kawasisan intelektual ingkang inggil katimbang Awang Kencana kang namung gadhah kawasisan olah kanuragan saha kakuwatan militèr. Awang Kencana mangertosi rencana punika piyambakipun ngraos kuciwa. Lajeng Awang njebak Purnama kanthi mitnah Purnama sampun mejahaken Dapunta. Purnama dipuntangkep déning Awang lajeng dipunlebetaken wonten ing kunjara. Kanthi dipunbantu déning para tabib sarta kadang-kadangipun Purnama saged mardika saking kunjara. Pasukan Purnama ngejar Purnama kang kadhesak wonten ing léréng tebing. Purnama dhawah ing jurang, kejegur wonten ing kali kang aliran toyanipun deres sanget. Pasukan Awang ngira Purnama sampun pejah. Purnama dipunselamataken déning Malini, puteri Ki Goblek. Ki Goblek punika pangarsa kalompok maling. Ki Goblek kang asma aslinipun Kendra Kenya punika mantan Tumenggung ing Kedatuan Bukit Jerai. Kinten-kinten 30 taun sadéréngipun Ki Goblek mbiyantu Dapunta ném ngrebat kakuwaosan ing Kedatuan Bukit Jerai. Nanging Dapunta ngiyanati saéngga ndamel Ki Goblek mlampah ing wana, nyimpen dendam sarta mbentuk kalompok maling ing Bukit Jerai.Sasampunipun Dapunta Hyang Mahawangsa pejah, Awang dipundadosaken raja ing Kedatuan Bukit Jerai. Awang ndhawuhi supados nyingkiri kalompok maling Ki Goblek. Kalompok maling kasil dipunsingkiraken, Ki Goblek pejah. Namung kasisa Purnama, Malini saha wolu wanita penenun songket, randa para maling kang gadhah kawasisan olah kanuragan.[2]

  1. Gending Sriwijaya Archived 2013-01-08 at the Wayback Machine. (dipununduh 2 februari 2013)
  2. Sinopsis (dipununduh 2 februari 2013)