Gemak biasa

Saka Wikipédia Jawa, bauwarna mardika basa Jawa
Gemak biyasa
Swara panyeluking gemak biyasa sing lanang
Klasifikasi ngèlmiah
Karajan: Animalia
Filum: Chordata
Klas: Aves
Ordho: Galliformes
Famili: Phasianidae
Subfamili: Perdicinae
Génus: Coturnix
Spésies: C. coturnix
Jeneng binomial
Coturnix coturnix
(Linnaeus, 1758)

Gemak biyasa, utawa gemak éropah (Coturnix coturnix) ya iku manuk cilik kang nyusuh ana ing lemah, anggota kulawarga Phasianidae. Jeneng èlmiyah Coturnix saka tembung basa Latin spésies iki.[2]

Kanthi ukuran cilik lan wulu mèmper sesuketan, manuk iki luwih kerep keprungu suwarané tinimbang katon wujudé. Disebut gemak éropah amarga sumebar ing Éropah lan Afrika Lor. Spésies iki duwé wujud saèmper karo gemak jepang , Coturnix japonica, asli saka Asia, kang, sanajan padha rupa, nanging suwarané béda. Kayadéné gemak jepang, gemak éropah uga diingu dadi unggas.

Wedharan[besut | besut sumber]

Manuk iki duwé ukuran cilik, kanthi awak bunteg, wulu blorok soklat-putih, lan cucuk warna putih ing gemak lanang. Ukuran awaké kira-kira 180–219 mm (7.1–8.62 in) lan boboté 91–131 g (3.2–4.62 oz)[3]

Pakulinan[besut | besut sumber]

Manuk iki kalebu spésiès téréstrial, mangan wewijèn lan gegremet ing lemah. Lumrahé angèl tinemu amarga ndhelik ing sesuketan, gagé lumayu utawa mabur manawa dicaketi manungsa banjur ndhelik manèh. Lumrahé mung bisa dititèni saka suwarané manuk lanang nalika ésuk, surup utawa wengi. Gemak biyasa kalebu kuwat mabur dibandhingaké spésiès Galliformes liyané.  

Tumangkar[besut | besut sumber]

Manuk gemak biyasa ngancik umur diwasa nalika umur 6-8 minggu, lan gawé susuh ing lemah, ing tengah tegalan utawa sesuketan ing laladan Eropah lan Asia, kanthi endhog cacah 6-12. Endhog diangkremi 16-18 dina.

Gallery[besut | besut sumber]

Rujukan[besut | besut sumber]

  1. BirdLife International (2012). "Coturnix coturnix". IUCN Red List of Threatened Species. Version 2013.2. International Union for Conservation of Nature. Dibukak ing 26 Novèmber 2013.
  2. Jobling, James A (2010). The Helm Dictionary of Scientific Bird Names. London: Christopher Helm. kc. 120. ISBN 978-1-4081-2501-4.
  3. Hume, A.O.; Marshall, C.H.T. (1880). Game Birds of India, Burmah and Ceylon. Vol. II. Calcutta: A.O. Hume and C.H.T. Marshall. kc. 148.

Pranala njaba[besut | besut sumber]