FIFA Ballon d'Or

Saka Wikipédia Jawa, bauwarna bébas abasa Jawa
Jump to navigation Jump to search
Lionel Messi menangakén tigang bebingah FIFA Ballon d'Or

FIFA Ballon d'Or inggih punika satunggaling bebingah bal-balan taunan ingkang dipunparingaken dhumateng para juru main bal jaler paling saé sakdonya wiwit taun 2010 ngantos 2015.[1] Bebingah punika kalebet mérger antawisipun bebingah Ballon d'Or–ipun France Football lan bebingah Pemain Paling saé FIFA, lan dipunanggep minangka bebingah paling mirunggan ing jagading bal-balan.[1] FIFA Ballon d'Or dipunparingaken dhedhasar pambiji saking jurnalis internasional lan pelatih sarta kaptèn tim nasional.[1]

Cristiano Ronaldo menangakén kalih bebingah FIFA Ballon d'Or

Sajarah[besut | besut sumber]

Sacara historis, bebingah paling mirunggan ing jagading bal-balan punika gabungan antawisipun bebingah Ballon d'Or lan bebingah FIFA ingkang kalebet bebingah taunan.[2] Aslinipun Ballon d'Or, ingkang asipat bebingah kanggé juru main bal taunan, dipunparingaken déning Féderasi Bal-balan Prancis wiwit taun 1956.[2] Bebingah FIFA dipunsponsori déning organisasi donya FIFA wiwit taun 1991.[2]

Wiwit taun 2005, pemenang bebingah Ballon d'Or lan FIFA World Player mèmper saben taunipun. Sasampunipun dipuntepangaken format Ballon d'Or ingkang ènggal ing taun 2007, Fèderasi bal Prancis lan FIFA sarujuk kanggé nggabungaken bebingah wau.[2] Wontenipun bebingah FIFA Ballon d'Or lajeng dipunwara-wara wekdal Piala Donya FIFA 2010 ing Afrika Kidul.[2] Bebingah kasebat dipunparingaken ing taun kasebat dhumateng Lionel Messi saking Argentina.[3]

Jawara[1][besut | besut sumber]

Rujukan[besut | besut sumber]

  1. ^ a b c d Ballon d'Or vs FIFA Best Player Award, Apa Sih Bedanya?(dipunundhuh tanggal 6 Januari 2018)
  2. ^ a b c d e The FIFA Ballon d’Or is born(dipunundhuh tanggal 6 Januari 2018)
  3. ^ Argentina's Lionel Messi wins Fifa Ballon d'Or award (dipunundhuh tanggal 6 Januari 2018)