Donor getih

Prosès donor getih.

Donor getih ya iku prosès kanggo nyumbang getih kang sukalila dijupuk getihé kanggo disimpen ing bank getih, lan nalika-wektu bisa dianggo transfusi getih.

Kanggo ngutamakake wigatiné anané getih saka kasil sumbangan, Palang Merah Australia nuturake 80% wong Australia bisa mbutuhake getih saka asil sumbangan, sajeroning uripé ana ing donya kanggo transfusi. Nyatané ing tlatah Australia, 3% wong kang nyumbang getih saben tauné. Miturut palang merah ing Amérikah Sarékat, 97% wong tepung karo wong liyané kang mbutuhake transfusi getih. Lan miturut survai ana ing Kanada, 52% wong Kanada pada wis tau ditransfusi getih utawa wis padha tepung karo wong kang donor iku.

Donor getih racaké dilakoni kanthi rutin ing pusat donor getih lokal utawa uga bisa ana ing kantor PMI laladan. Lan saben wektu, bisa uga ana acara donor getih, ing panggonan kang ramé, kaya ta ana ing pasar,kantor, sekolah,universitas utawa panggonan kanggo ngibadah kaya masjid, gréja, wihara, lan sapanunggalanipun. Ing acara iki para pendonor bisa donor lan nyempatake téka karan panggonan kang wis ana lan disiapake.Kang luwèh becik manèh pendonor tansah aduh-aduh lunga lan ora usah nganggo perjanjian amarga wis disiapake papan kanggo donor.Donor Getih kang becik ing manungsa, saben télung sasi sapisan (3 bulan).Golongan getih kang ana ing manungsa ya iku golongan A, Golongan AB, Golongan B, lan Golongan O.

Sarat donor Getih

• Umur 17-60 taun (umur ing ngisor 17 taun olèh donor yèn éntuk idin katulis saka wong tuwané)
• Bobot awak paling sithik 45 kg
• Temperatur awak 36,6 - 37, 5 derajat Celcius
• Tekanan getih apik ya iku sistole = 110 - 160 mmHg, diastole = 70-100 mmHg
• Dhenyut nadhi ping 50-100 / menit
• Hemoglobin lanang utawa wadon paling sithik 12,55 gram

Pranala njaba

• Donor Darah dot Org >> Situs Non Profit yang berisikan database pendonor darah Indonésia Archived 2011-02-15 at the Wayback Machine.
• GolonganDarah >> Situs Independen yang mengumpulkan informasi pendonor pribadi / perorangan yang dikelompokkan berdasarkan golongan darah Archived 2010-12-29 at the Wayback Machine.