Diana Nasution

Saka Wikipédia Jawa, bauwarna bébas abasa Jawa
Diana Nasution
Diana Nasution
Latar wuri
Jeneng lair Diana Nasution
Lair (1944-04-06) 6 April 1944 (umur 73)
Indonésia, Masa Pendudukan Jepang
Taun aktif 1970-an sampai sekarang
Pasangan Minggus Tahitoe
Anak Marcello Tahitoe
Agama Kristen

Diana Nasution (lair ing Indonésia, 6 April 1944; umur 73 taun) ya iku penyanyi kang kondhang ing era 70-an lan 80-an, Watara taun 1970-an, dheweké duet karo kakangé Rita Nasution lan gawé '"Nasution Sisters'" kang kondhang rikala iku.[1] Diana Nasution Lahir ing kutha Medan, Sumatra Utara, 6 April 1944. Dheweké akèh ngriptakaké tembangan-tembangan kang dadi kondhang nalika mangsane. Tembang kang tau diripta dheweké kayata Benci Tapi Rindu, Ayah, Dasar Lelaki, Katakan Sejujurnya, Jangan Biarkan, Sayang Bilang Sayang lan Pergi Untuk Kembali.[1]

Watara taun 1970-an, Diana tau ngetokaké duet bareng karo Rita Nasution, mbak ayuné dhewe. Mula duo mau dijenengi duo Nasution Sisters kang uga ditampa déning masarakat kanthi antusias saka para penggemaré.[1]

Nalika meluni Festival Penyanyi Nasional 1977, Diana tau duet bareng Alm. Melky Goeslaw (bapa saka Melly Goeslaw) ing festifal iku. Kaloroné nggawakaké tembang Bila Cengkeh Berbunga lan Malam Yang Dingin riptaané Minggus Tahitoe.[1] Ananging sakloroné kalah apiké karo penyanyi Hetty Koes Endang kang tampil dadi juara kaping pisan.[1]

Diana kang sakbanjuré nikah karo pangripta tembangan Minggus Tahitoe iku, uga tau main filem ing antarané ya iku CINTAKU TERGADAI (1977) bareng karo Paul S. Murry.[1]

Salah sijine putra saka Diana ya iku Marcello Tahitoe utawa kang luwih akrab kanthi jeneng Ello ing masarakat. Sakbanjuré melu napak ana ing papan seni dadi penyanyi.[1]

Ing kawitan taun 2010, Diana aktif manèh ing panggung musik. Dheweké olih tawanan saka Titi DJ kanggo duet ing lagu kang judulé Jangan Biarkan kang dijupuk saka albumé Titi paling anyar, TITI TO DIANA, salah sijining album tributé Titi kanggo diana.[1]

Sawentara iku, Diana kudu ngrasakaké lara amarga duwé lelara kanker payudara kang wis tekan stadium 3B.[1] Dheweké wis nglakoni pangobatan-pangobatan, kaya kemoterapi kang sempet gawé rambuté rontok lan awaké dadi kuru. Ananging lelarane saiki wis rada suda.[1]

Penyanyi wanita kelahiran Medan kang populer ing era 80-an, Diana Nasution, katoné wis menehi lampu ijo déning hubungan anaké, Marcello Tahitu (Ello) karo Julie Estelle. [2] Sajroning keuripané, senajan Diana Nasution dadi wong kang paling cedhak karo Ello kang ora liya ibu lan anak,dheweké ngaku Ello mung sewates menehi ngerti déning Diana yèn kaloroné mau (Ello dan Julie) lagi pacaran.[2] Katone masalah mau dadi wujud blakoné Ello déning ibuné, kang ora liya ya iku Diana Nasution.[2]

Album[besut | besut sumber]

  • The Best of Diana Nasution
  • Rinto Harahap album Sukses - VCD Karaoke "Benci Tapi Rindu"
  • 50 Tahun Rinto Harahap vol 1 VCD Karaoke "Sengaja aku Datang"
  • Jangan Biarkan
  • Katakan Sejujurnya
  • Pergi untuk kembali
  • Sayang bilang Sayang
  • Dasar lelaki
  • Ayah

Cathetan suku[besut | besut sumber]

  1. ^ a b c d e f g h i j biografi Diana Nasution dipununduh tanggal 27 september 2011
  2. ^ a b c Diana Nasution: Julie Punya Hati Yang Baik dipununduh tanggal 27 september 2011