Dhigital

Saka Wikipédia Jawa, bauwarna bébas abasa Jawa

Digital asalé saka tembung Digitus, ing basa Yunani ateges driji. Yèn awaké dhéwé ngétung drijiné wong diwasa, mula gunggungé sepuluh (10). Pangaji sepuluh mau kapérang saka 2 radix, ya iku 1 lan 0, mula Digital arupa panggambaran saka sawijining kahanan wilangan kang kapérang saka angka 0 lan 1 utawa off lan on (wilangan biner). Kabèh sistem komputer migunakaké sistem digital minangka basis datané. Bisa karan uga kanthi istilah Bit (Binary Digit).

Piranti canggih, kaya déné komputer, ing prosesoré duwé sarangkèn pangétungan biner kang rumit. Sajeroning gambaran kang gampang-gampang waé, prosès biner kaya déné saklar lampu, kang duwé 2 kahanan, ya iku Off (0) lan On (1). Upamané ana 20 lampu lan saklar, yèn saklar iku diuripké ing posisi A, upamané, mula bakal mbentuk gambar kembang, lan yèn diuripké ing posisi B, bakal mbentuk gambar ati. Mangkono kira-kira biner digital mau.

Konsèp digital iki pranyata uga dadi gambaran pamahaman sawijining kahanan kang silih berlawanan. Ing gambaran saklar lampu kang dipèjèt ing tombol on, mula ruangan bakal katon padhang. Nanging yèn saklar lampu kang dipèjèt ing tombol off, mula ruangan dadi peteng. Kondhisi alam semesta kanthi kasluruhan nganut sistem digital iki. Ing wilahan bumi katulistiwa, munculé awan lan bengi iku sawijining fenomena kang ora kabantahaké. Sacara psikologis, manungsa kawangun mawa rong sipat, ya iku becik lan ala. Konsèp Yin lan Yang pranyata uga gegandhèngan karo konsèp digital iki.

Pirsanana uga[besut | besut sumber]