ꦝꦶꦒꦶꦠꦭ꧀
꧋ꦝꦶꦒꦶꦠꦭ꧀ꦲꦱꦭꦺꦱꦏꦠꦼꦩ꧀ꦧꦸꦁꦢꦶꦒꦶꦠꦸꦱ꧀꧈ꦲꦶꦁꦧꦱꦪꦸꦤꦤꦶꦲꦠꦼꦒꦼꦱ꧀ꦢꦿꦶꦗꦶ꧉ꦪꦺꦤ꧀ꦲꦮꦏꦺꦢꦺꦮꦺꦔꦺꦠꦸꦁꦢꦿꦶꦗꦶꦤꦺꦮꦺꦴꦁꦢꦶꦮꦱ꧈ꦩꦸꦭꦒꦸꦁꦒꦸꦔꦺꦱꦼꦥꦸꦭꦸꦃ(꧇꧑꧐꧇)꧉ꦥꦔꦗꦶꦱꦼꦥꦸꦭꦸꦃꦩꦻꦴꦏꦥꦺꦫꦁꦱꦏ꧇꧒꧇ꦫꦢꦶꦏ꧀ꦱ꧀꧈ꦪꦲꦶꦏꦸ꧇꧑꧇ꦭꦤ꧀꧇꧐꧇꧈ꦩꦸꦭꦝꦶꦒꦶꦠꦭ꧀ꦮꦸꦗꦸꦢ꧀ꦥꦁꦒꦩ꧀ꦧꦫꦤ꧀ꦱꦏꦱꦶꦗꦶꦏꦲꦤꦤ꧀ꦮꦶꦭꦔꦤ꧀ꦏꦁꦏꦥꦺꦫꦁꦱꦏꦲꦁꦏ꧇꧐꧇ꦭꦤ꧀꧇꧑꧇ꦲꦸꦠꦮꦎꦥ꦳꧀ꦥ꦳꧀ꦭꦤ꧀ꦎꦤ꧀(ꦮꦶꦭꦔꦤ꧀ꦧꦶꦤꦺꦂ)꧉ꦏꦧꦺꦃꦱꦶꦱ꧀ꦠꦺꦩ꧀ꦏꦺꦴꦩ꧀ꦥꦸꦠꦼꦂꦩꦶꦒꦸꦤꦏꦏꦺꦱꦶꦱ꧀ꦠꦺꦩ꧀ꦝꦶꦒꦶꦠꦭ꧀ꦩꦶꦤꦁꦏꦧꦱꦶꦱ꧀ꦢꦠꦤꦺ꧉ꦧꦶꦱꦏꦫꦤ꧀ꦲꦸꦒꦏꦤ꧀ꦛꦶꦲꦶꦱ꧀ꦠꦶꦭꦃꦧꦶꦠ꧀(ꦧꦶꦤꦫꦶꦢꦶꦒꦶꦠ꧀)꧉
꧋ꦥꦶꦫꦤ꧀ꦠꦶꦕꦁꦒꦶꦃ꧈ꦏꦪꦢꦺꦤꦺꦏꦺꦴꦩ꧀ꦥꦸꦠꦺꦂ꧈ꦲꦶꦁꦥꦿꦺꦴꦱꦼꦱꦺꦴꦫꦺꦢꦸꦮꦺꦱꦫꦁꦏꦺꦤ꧀ꦥꦔꦺꦠꦸꦔꦤ꧀ꦧꦶꦤꦺꦂꦏꦁꦫꦸꦩꦶꦠ꧀꧈ꦱꦗꦺꦫꦺꦴꦤꦶꦁꦒꦩ꧀ꦧꦫꦤ꧀ꦏꦁꦒꦩ꧀ꦥꦁꦒꦩ꧀ꦥꦁꦮꦲꦺ꧈ꦥꦿꦺꦴꦱꦺꦱ꧀ꦧꦶꦤꦺꦂꦏꦪꦢꦺꦤꦺꦱꦏ꧀ꦭꦂꦭꦩ꧀ꦥꦸ꧈ꦏꦁꦢꦸꦮꦺ꧇꧒꧇ꦏꦲꦤꦤ꧀꧈ꦪꦲꦶꦏꦸꦎꦥ꦳꧀ꦥ꦳꧀(꧇꧐꧇)ꦭꦤ꧀ꦎꦤ꧀(꧇꧑꧇)꧉ꦲꦸꦥꦩꦤꦺꦲꦤ꧇꧒꧐꧇ꦭꦩ꧀ꦥꦸꦭꦤ꧀ꦱꦏ꧀ꦭꦂ꧈ꦪꦺꦤ꧀ꦱꦏ꧀ꦭꦂꦲꦶꦏꦸꦢꦶꦲꦸꦫꦶꦥ꧀ꦏꦺꦲꦶꦁꦥꦺꦴꦱꦶꦱꦶꦲ꧈ꦲꦸꦥꦩꦤꦺ꧈ꦩꦸꦭꦧꦏꦭ꧀ꦩ꧀ꦧꦼꦤ꧀ꦠꦸꦏ꧀ꦒꦩ꧀ꦧꦂꦏꦼꦩ꧀ꦧꦁ꧈ꦭꦤ꧀ꦪꦺꦤ꧀ꦢꦶꦲꦸꦫꦶꦥ꧀ꦏꦺꦲꦶꦁꦥꦺꦴꦱꦶꦱꦶꦧ꧀꧈ꦧꦏꦭ꧀ꦩ꧀ꦧꦼꦤ꧀ꦠꦸꦏ꧀ꦒꦩ꧀ꦧꦂꦲꦠꦶ꧉ꦩꦁꦏꦺꦴꦤꦺꦴꦏꦶꦫꦏꦶꦫꦧꦶꦤꦺꦂꦢꦶꦒꦶꦠꦭ꧀ꦩꦲꦸ꧉
꧋ꦏꦺꦴꦤ꧀ꦱꦺꦥ꧀ꦝꦶꦒꦶꦠꦭ꧀ꦲꦶꦏꦶꦥꦿꦚꦠꦲꦸꦒꦢꦝꦶꦒꦩ꧀ꦧꦫꦤ꧀ꦥꦩꦲꦩꦤ꧀ꦱꦶꦗꦶꦏꦲꦤꦤ꧀ꦏꦁꦱꦶꦭꦶꦃꦧꦺꦂꦭꦮꦤꦤ꧀꧉ꦲꦶꦁꦒꦩ꧀ꦧꦫꦤ꧀ꦱꦏ꧀ꦭꦂꦭꦩ꧀ꦥꦸꦏꦁꦢꦶꦥꦺꦗꦺꦠ꧀ꦲꦶꦁꦠꦺꦴꦩ꧀ꦧꦺꦴꦭ꧀ꦎꦤ꧀꧈ꦩꦸꦭꦫꦸꦮꦔꦤ꧀ꦧꦏꦭ꧀ꦏꦠꦺꦴꦤ꧀ꦥꦢꦁ꧉ꦤꦔꦶꦁꦪꦺꦤ꧀ꦱꦏ꧀ꦭꦂꦭꦩ꧀ꦥꦸꦏꦁꦢꦶꦥꦺꦗꦺꦠ꧀ꦲꦶꦁꦠꦺꦴꦩ꧀ꦧꦺꦴꦭ꧀ꦎꦥ꦳꧀ꦥ꦳꧀ꦩꦸꦭꦫꦸꦮꦔꦤ꧀ꦢꦝꦶꦥꦼꦠꦼꦁ꧉ꦏꦺꦴꦤ꧀ꦢꦶꦱꦶꦲꦭꦩ꧀ꦱꦼꦩꦼꦱ꧀ꦠꦏꦤ꧀ꦛꦶꦏꦱ꧀ꦭꦸꦫꦸꦲꦤ꧀ꦔꦤꦸꦠ꧀ꦱꦶꦱ꧀ꦠꦺꦩ꧀ꦝꦶꦒꦶꦠꦭ꧀ꦲꦶꦏꦶ꧉ꦲꦶꦁꦮꦶꦭꦲꦤ꧀ꦧꦸꦩꦶꦏꦠꦸꦭꦶꦱ꧀ꦠꦶꦮ꧈ꦩꦸꦚ꧀ꦕꦸꦭꦺꦲꦮꦤ꧀ꦭꦤ꧀ꦧꦼꦔꦶꦲꦶꦏꦸꦱꦶꦗꦶꦥ꦳ꦺꦤꦺꦴꦩꦺꦤꦏꦁꦲꦺꦴꦫꦏꦧꦤ꧀ꦠꦲꦏꦺ꧉ꦱꦕꦫꦥ꧀ꦱꦶꦏꦺꦴꦭꦺꦴꦒꦶꦱ꧀ꦩꦤꦸꦁꦱꦏꦮꦔꦸꦤ꧀ꦩꦮꦫꦺꦴꦁꦱꦶꦥꦠ꧀꧈ꦪꦲꦶꦏꦸꦧꦼꦕꦶꦏ꧀ꦭꦤ꧀ꦲꦭ꧉ꦏꦺꦴꦤ꧀ꦱꦺꦥ꧀ꦪꦶꦤ꧀ꦭꦤ꧀ꦪꦁꦥꦿꦚꦠꦲꦸꦒꦒꦺꦒꦤ꧀ꦢꦺꦁꦔꦤ꧀ꦏꦫꦺꦴꦏꦺꦴꦤ꧀ꦱꦺꦥ꧀ꦝꦶꦒꦶꦠꦭ꧀ꦲꦶꦏꦶ꧉
ꦥꦶꦂꦱꦤꦤꦲꦸꦒ
[besut | besut sumber]
| Artikel iki minangka artikel rintisan. Kowé bisa ngéwangi Wikipédia ngembangaké. |